ភាពយន្ត Superhero ស្រីដំបូងរបស់ Marvel បញ្ចេញ Trailer ជាផ្លូវការ (វីដេអូ)

2018-09-19 03:20:00
ភាពយន្ត

2018-09-19 03:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីចាប់ផ្ដើមដំណើរការផលិតភាពយន្តបែប Superhero អស់រយៈពេល១០ឆ្នាំ ពេលនេះ Marvel បានបង្ហាញ Trailer ថ្មីរបស់ភាពយន្ត "Captain Marvel” ដែលជាភាពយន្តមានតួអង្គសំខាន់ភេទស្រីដំបូងបង្អស់ព្រមទាំងជា តួអង្គដែលខ្លាំងជាងគេនៅក្នុងពិភពភាពយន្តរបស់ Marvel ផងដែរ។

តួអង្គ Captain Marvel សម្ដែងដោយ Brie Larson ហើយនៅក្នុងភាពយន្តនេះនាងត្រូវគេហៅឈ្មោះថា Carol Danvers។ ចំពោះសាច់រឿងវិញ គឺនិយាយរៀបរាប់ពីហេតុការណ៍កើតឡើងនៅទសវត្សទី៩០ ដែលមានការចូលរួមសម្ដែងពីលោក Samuel L. Jackson និង Jude Law។

Captain Marvel គឺជាតួអង្គដ៏សំខាន់មួយរបស់ Marvel ហើយក៏ជាតួអង្គដែលនឹងបង្ហាញខ្លួននៅក្នុងភាពយន្ត "Avenger 4” ផងដែរ ដោយនាងគឺជាគន្លឹះសំខាន់មួយក្នុងការយកឈ្នះតួអង្គ Thanos។ "Captain Marvel” នឹងចាប់ដាក់បញ្ចាំងជាផ្លូវការនៅខែ មិនាឆ្នាំ ២០១៩ ទូទាំងពិភពលោក។