ក្រៅពី Justin Bieber និង The Weeknd បុរសដែល Selena ធ្លាប់ទាក់ទងសុទ្ធវ័យក្មេងរូបសង្ហា

2018-09-19 23:56:33
ជីវិតតារា

2018-09-19 23:56:33
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងនិងសម្ដែងដ៏ល្បីឈ្មោះ Selena Gomez ជាតារាម្នាក់ដែលចាប់ផ្ដើមល្បីឈ្មោះ ដោយសារតែការសម្ដែងនៅក្នុងរឿង និងរឿងភាគក៏ដូចជាកម្មវិធីផ្សេងៗរបស់ប៉ុស្តិ៍ទូរទស្សន៍ Disney តាំងពីវ័យក្មេង។ ក្រោយផ្តាច់ទំនាក់ទំនងសារជាថ្មីជាមួយតារាចម្រៀង Justin Bieber តារាស្រីរូបនេះមិនរកបានបុរសមកស្អំបេះដូងវិញឡើយ។

ថ្ងៃនេះ សូមណែនាំឲ្យស្គាល់បុរសសង្ហា វ័យក្មេង ដែលធ្លាប់មានទំនាក់ទំនងជាមួ Selena Gomez ទាំង១០រូប៖

១. Justin Bieber

ទំនាក់ទំនងរបស់អ្នកទាំងពីរ គឺជាទំនាក់ទំនងដែលច្របូកច្របល់ជាងគេ បន្ទាប់ពីទាក់ទងគ្នា មានបញ្ហាច្រើនពេក ចំណងស្នេហ៍របស់អ្នកទាំងពីរត្រូវបានបញ្ចប់ជាច្រើនលើកច្រើនសារ។ លើកចុងក្រោយពួកគេបែកគ្នានៅខែមីនា ឆ្នាំ២០១៨។

២. The Weeknd

អ្នកទាំងពីរត្រូវគេសង្ស័យថា ទាក់ទងគ្នាកាលពីខែមករាឆ្នាំ២០១៧ រហូតដល់ខែមេសាឆ្នាំ ២០១៧ទើបពួកគេប្រកាសជាផ្លូវការអំពីទំនាក់ទំនងរបស់អ្នកទាំងពីរ។ចំណងស្នេហារវាងតារាចម្រៀង Selena Gomez និង The Weeknd បានឈានដល់ផ្លូវបញ្ចប់ហើយក្រោយពីចំណាយពេលដ៏ផ្អែមល្ហែមជាមួយគ្នាអស់រយៈពេល ១០ ខែ ដោយបានបញ្ចប់ទំនាក់ទំនងជាមួយគ្នាកាលពីថ្ងៃទី ៣០ ខែតុលា ឆ្នាំ២០១៧។

៣. Charlie Puth

Charlie និង Selena ជួបគ្នាលើកទី១កាលពីឆ្នាំ២០១៥ក្នុងកម្មវិធីប្រគល់ពាន MTV VMAs ឆ្នាំ ២០១៥។ អ្នកទាំងពីរធ្លាប់មានពាក្យចចាមអារ៉ាមថា ទាក់ទងគ្នាកាលពីឆ្នាំ ២០១៦។

៤. Samuel Krost

អ្នកជំនួញសញ្ជាតិអាមេរិករូបនេះ សារភាពធ្លាប់ទាក់ទង Selena Gomez ដោយបង្ហោះរូបភាពអ្នកទាំងពីរនៅជាមួយគ្នានៅលើបណ្ដាញសង្គម Instagram។

៥. Niall Horan

Niall ធ្លាប់ត្រូវបានគេរាយការណ៍ថា បានទាក់ទង និងជិតស្និទ្ធជាមួយ Selena បន្ទាប់ពីក្រុមចម្រៀង One Direction ឡើងប្រកាសឈ្មោះពេលនាងសម្ដែងក្នុងកម្មវិធី MTV Video Music Awards កាលពីឆ្នាំ២០១៣។

៦. Zedd

អ្នកទាំងពីរ បានទាក់ទងគ្នាផ្លូវការមួយរយៈពេលធំ កាលពីឆ្នាំ ២០១៥ បើទោះបីជា Dj Diplo និយាយថារឿងទាំងនេះគឺជាការទាមទារការចាប់អារម្មណ៍តែប៉ុណ្ណោះក៏ដោយ។

៧. Orlando Blook

អ្នកទាំងពីរធ្លាប់ថតរូបជាមួយគ្នាកាលពីឆ្នាំ ២០១៤ ប៉ុន្ដែមិនមានអ្វីកើតឡើងនោះទេ។ រហូតដល់ឆ្នាំ២០១៦ អ្នកទាំងពីរបានជួបគ្នាម្ដងទៀតក្នុងកម្មវិធីជប់លៀងអាល់ប៊ុមថ្មី "Revival” របស់ Selena Gomez ដែលជាហេតុនាំឲ្យមានការសង្ស័យថា អ្នកទាំងពីរធ្លាប់ទាក់ទងគ្នា។

៨. Taylor Lautner

ពួកគេជួបគ្នានៅទីក្រុង Vancouver ឆ្នាំ ២០០៩ ហើយក៏បានទាក់ទងជាមួយគ្នាមួយរយៈ។ ក្រោយមកចំណងស្នេហ៍របស់គេត្រូវបញ្ចប់ដោយសារតែមានបញ្ហាជាច្រើនជាពិសេសគឺជាមួយពួកអ្នកប្រមាញ់រូបថត។

៩. Nick Jonas

Nick Jonas និង Selena Gomez បានទាក់ទងគ្នាមួយរយៈកាលពីឆ្នាំ ២០០៨។

១០. David Henrie

តារាសម្ដែង David និង Selena ជួបគ្នាក្នុងរឿងភាគរបស់ប៉ុស្តិ៍ទូរទស្សន៍ Disney។ ហើយ ក៏បានក្លាយជាមិត្តល្អទាំងគ្នា បន្ទាប់ពីរឿងភាគនេះ ត្រូវបានបញ្ចប់កាលពីឆ្នាំ២០១២។ អ្នកទាំងពីរធ្លាប់មានពាក្យចចាមអារ៉ាមថាទាក់ទងគ្នាកាលពីឆ្នាំ២០១៤៕

អត្ថបទ៖ ដេត ធន្នី