- 2018-09-19 09:31:47
- ព័ត៌មាន
មិនធ្លាប់ដឹងសោះថា សៀវភៅទាំងនេះ ជាដើមហេតុពីក្រោយបទចម្រៀងរបស់ BTS
- 2018-09-19 09:31:47
- ចំនួនមតិ 0 | ចំនួនចែករំលែក 0
មិនធ្លាប់ដឹងសោះថា សៀវភៅទាំងនេះ ជាដើមហេតុពីក្រោយបទចម្រៀងរបស់ BTS
ចន្លោះមិនឃើញ
នៅពេលនិពន្ធបទចម្រៀងម្ដងៗ សមាជិកក្រុម BTS តែងតែផុសគំនិតចេញពីបទពិសោធរបស់ពួកគេផ្ទាល់ ប៉ុន្តែពួកគេក៏ត្រូវបានឲ្យដឹងថា ទទួលបានគំនិតក្នុងការនិពន្ធបទចម្រៀងពីរឿងប្រលោមលោកប្រឌិតផងដែរ។
ខាងក្រោមនេះ ជាបណ្ដាសៀវភៅទាំង ៨ ក្បាល ដែលបំផុសគំនិតក្នុងការនិពន្ធបទចម្រៀងរបស់ក្រុម BTS ដែលប្រិយមិត្តគួរតែអាន៖
១. សៀវភៅ "Into The Magic Shop” (James R. Doty)
រឿងជីវប្រវត្តិបែបប្រឌិតមួយនេះ រៀបរាប់ពីមេរៀនដែលអ្នកនិពន្ធទទួលបានពីតួអង្គឈ្មោះ Ruth។ នាងជាស្ត្រីម្នាក់ដែលលោកបានជួបក្នុងហាងវេទមន្តមួយ។ នាងជាមនុស្សម្នាក់ដែលបង្រៀនលោកឲ្យបើកបេះដូង និងជំរុញលោកឲ្យក្លាយជាគ្រូពេទ្យផ្នែកសរសៃប្រសាទ។
សៀវភៅមួយក្បាលនេះហើយ ដែលជំរុញឲ្យមានបទ "Magic Shop” ដែលជាបទផលិតឡើងដោយតារាចម្រៀង Jungkook។ បទចម្រៀងនេះដែរ សរសេរឡើងដើម្បីប្រាប់អ្នកគាំទ្ររបស់លោក ឲ្យបើកចិត្តរបស់ពួកគេ នៅពេលពួកគេឈឺចាប់ ហើយក៏ចង់ប្រាប់ថា ពួកគេមិនឯកោនោះទេ។
២. សៀវភៅ "Demian” (Hermann Hesse)
សៀវភៅនេះដែរ និយាយពីក្មេងប្រុសម្នាក់ដែលបែងចែកមិនដាច់ស្រឡះរវាង "ពិភពនៃពន្លឺ" និង "ពិភពនៃការថ្ពិនភ្នែក"។
សៀវភៅនេះដែរ ដើរតួយ៉ាងសំខាន់ក្នុងអាល់ប៊ុម WINGS។ គ្រប់ផ្នែកក្នុងរឿងប្រលោមលោកមួយនេះ ត្រូវបានដាក់បញ្ចូលតាំងពីរូបថត ប៉ារូលបទចម្រៀង រួមទាំងវីដេអូបទចម្រៀងថែមទៀត ដូចជាវីដេអូខ្លីបទ "Boy Meets Evil” និងបទ "Blood,Sweat,& Tears" ជាដើម។
៣. សៀវភៅ "Kafka on the Shore” (Haruki Murakami)
តារាចម្រៀង RM បានផ្ដល់យោបល់ឲ្យអ្នកគាំទ្រអានសៀវភៅរបស់អ្នកនិពន្ធ Haruki Murakami ច្រើនឆ្នាំមកនេះ ដូច្នេះហើយ រឿង "Kafka on the Shore” មិនមានអ្វីគួរឲ្យភ្ញាក់ផ្អើលទេ ដែលលោកយកមកសរសេរចេញជាបទចម្រៀងនោះ។
"Kafka on the Shore” ជារឿងមួយនិយាយពី ក្មេងប្រុស និង បុរសចំណាស់ម្នាក់ដែលអាចនិយាយជាមួយសត្វឆ្មាបាន។ ចំពោះរឿងនេះដែរ ត្រូវបាននិពន្ធចេញជាបទចម្រៀង "Butterfly” របស់ក្រុម BTS។
៤. សៀវភៅ "The One Who Walk Away From Omelas” (Ursula K. Le Guin)
សៀវភៅរឿងខ្លីនេះដែរ និយាយពីទីក្រុងអាថ៌កំបាំងមួយ ដែលក្មេងម្នាក់ដែលត្រូវរស់នៅជាមួយជីវិតវេទនាឈឺចាប់ដើម្បីជាការដោះដូរក្ដីសុខសម្រាប់ទីក្រុងរបស់គេ។ ក្រោយប្រជាជននៅទីនោះ ដឹងការពិត មួយភាគធំទទួលស្គាល់ថាវាជាការចាំបាច់សម្រាប់ពពួកបិសាច ហើយបន្តរស់នៅក្រុង Omelas តទៅទៀត ហើយមួយចំនួនទៀតបានចាកចេញ ហើយក៏គ្មាននរណាដឹងថាពួកគេទៅណាដែរ។
បទចម្រៀង "Spring Day” ពីអាល់ប៊ុម "You Never Walk Alone” របស់ក្រុម BTS គឺដកស្រង់ចេញពីសៀវភៅមួយនេះ។ តារាចម្រៀង Jungkook អាចជាតួអង្គក្មេងរូបនោះ ខណៈសមាជិកផ្សេងជាអ្នកដែលដើរចេញពីទីក្រុង។
៥. សៀវភៅ “1Q84” (Haruki Murakami)
រឿងនេះដែរ រៀបរាប់ពីការពាក់ព័ន្ធគ្នារវាងការពិត និងរឿងអភិនីហារ ហើយសៀវភៅនេះដែរ ត្រូវបានជំរុញឲ្យមានបទ "Sea” ដែលជាបទលាក់ក្នុងអាល់ប៊ុម Love Yourself: Her។
៦. សៀវភៅ "The Owl Service” (Alan Garner)
ប្រលោមលោកនេះដែរ និយាយពីបងប្អូន២នាក់ ដែលរកឃើញចានទាបមួយក្នុងផ្ទះរបស់ពួកគេ ដែលមានក្បាច់ផ្កាជាច្រើន ដែលអាចប្ដូរខ្លួនទៅជាសត្វទីទុយវេទមន្តមួយក្បាលនៅពេលប៉ះជាមួយក្រដាស។ ខណៈពួកគេរកឃើញពីសេវាអាថ៌កំបាំងរបស់ទីទុយនោះ ពួកគេបានឃុំជាប់ក្នុងតំបន់មិនពិតនោះ ដោយដើរតួក្នុងរឿងដ៏សោកសៅដែលបន្តកើតឡើងដដែលៗរាល់សម័យកាល។
រឿងនេះដែរ ត្រូវបានរកឃើញមានក្នុងរូបភាពក្នុងអាល់ប៊ុម "You Never Walk Alone” និងក្នុងបទចម្រៀង "I NEED YOU”។
៧. សៀវភៅ "The Pied Piper”
រឿងនេះនិយាយពីអ្នកផ្លុំត្រែម្នាក់ ដែលជួយបណ្ដេញកណ្ដុរជាច្រើនចេញពីភូមិ ប៉ុន្តែក្រោយមក រូបគេក៏បានផ្លុំសណ្ដំនាំក្មេងៗក្នុងភូមិឲ្យទៅជាមួយគេ នៅពេលអ្នកភូមិបដិសេធមិនឲ្យថ្លៃឈ្នួលលោក។
រឿងនេះ ត្រូវបានបញ្ចូលក្នុងបទ "Pied Piper” របស់ BTS ដែលក្នុងន័យសណ្ដំចិត្តអ្នកគាំទ្ររបស់ពួកគេ ឲ្យគេចចេញពីជីវិតប្រចាំថ្ងៃ ដោយគ្រាន់តែស្ដាប់ចម្រៀងពួកគេ។
៨. សៀវភៅ "The Little Prince” (Antoine de Saint-Exupéry)
បទចម្រៀងទោលរបស់ Jimin “Serendipity” ត្រូវបានជឿជាក់ថាសរសេរឡើងចេញពីប្រលោមលោកមួយនេះ។
រឿងនេះ និយាយពីតួអង្គរាជបុត្រតូចម្នាក់ បានលង់ស្រឡាញ់ផ្កាកូឡាបមួយទង ប៉ុន្តែគេមិនដឹងថាត្រូវបង្ហាញក្ដីស្រឡាញ់របស់គេរបៀបណា៕