- 2018-09-21 07:32:35
- ព័ត៌មាន
តារាសម្ដែង ៣១ នាក់រងរបួសរលាកខ្លួនធ្ងន់ធ្ងរ ក្រោយថតរឿងភ្លាត់ខុសបច្ចេកទេស
- 2018-09-21 07:32:35
- ចំនួនមតិ 0 | ចំនួនចែករំលែក 0
តារាសម្ដែង ៣១ នាក់រងរបួសរលាកខ្លួនធ្ងន់ធ្ងរ ក្រោយថតរឿងភ្លាត់ខុសបច្ចេកទេស
ចន្លោះមិនឃើញ
កាលពីពេលថ្មីៗនេះ រឿងហេតុដ៏រន្ធត់មួយបានកើតឡើងនៅក្នុងតំបន់ Bandar Bukit Puchong, Selangor នៃប្រទេសម៉ាឡេស៊ី ដែលប្រេងសាំងបានផ្ទុះសាយភាយអំឡុងពេលថតកុន បានបង្កឲ្យតារាសម្ដែងជាច្រើនទទួលរងរបួស។
បើតាមអ្នកពន្លត់អគ្គិភ័យបាននិយាយថា ក្រុមការងារថតខ្សែភាពយន្តបានប្រើប្រេងសាំងដើម្បីដុតផ្ទះឈើដែលជាតម្រូវការក្នុងឈុតមួយនៃខ្សែភាពយន្តថ្មីរបស់ពួកគេ ប៉ុន្តែរឿងហេតុអាក្រក់បានកើតឡើង ក្រោយពួកគេចាក់សាំងដុត ចំហាយសាំងបានហើរឡើងលើអាកាស ដែលធ្វើឲ្យអណ្ដាតភ្លើងរាយប៉ាយពាសពេញនោះតែម្ដង បណ្ដាលឲ្យឆាបឆេះដល់តារាសម្ដែងទាំងប៉ុន្មានដែលមានវត្តមាននៅទីនោះ។
ជនរងគ្រោះទាំងអស់មានចំនួន ៣១ នាក់ ក្នុងនោះក៏មានតារាសម្ដែងជើងចាស់ប្រចាំទីក្រុងហុងកុង Sharon Yeung Pan-pan ផងដែរ។ តាមសេចក្ដីរាយការណ៍បានឲ្យដឹងថា តារាសម្ដែងស្រីរូបនេះ រងការរលាកភ្លើងកម្រិត ២ ដែលធ្វើមុខរបស់នាងមួយចំហៀងមានការរលាកខ្លាំង ហើយដៃស្ដាំ និងជើងទាំង ២របស់នាងក៏រងការរលាកធ្ងន់ធ្ងរដែរ៕
ទស្សនាវីដេអូខាងក្រោម៖