បទចម្រៀង «ឱ្យអូនឣស់ចិត្ត» ជាចម្រៀងភាពយន្តខ្មែរ​តាំងពីឆ្នាំ ១៩៧០ ដោយអ្នកស្រី ម៉ោ សារ៉េត កំពូលតារាចម្រៀងខ្មែរដ៏មានប្រជាប្រិយភាព​តំណាលគ្នានឹង លោក ស៊ីន ស៊ីសាមុត។ សំឡេងចម្រៀងរបស់ អ្នកស្រី ម៉ោ សារ៉េត គឺជានិមិត្តរូបរបស់អ្នកស្រី រស់ សេរិសុទ្ធា នេះយោងតាមឯកសារខ្លះបានរៀបរាប់ក្នុង WIkipedia។

បច្ចុប្បន្នបទនេះ ត្រូវបានផលិតករភាពយន្តជនជាតិឥណ្ឌា លោក Amit Dubby យកមកផលិតឡើងវិញច្រៀងឡើងវិញដោយ តារាចម្រៀងល្បី មាស សុខសោភា ដើម្បីដាក់ចូលក្នុងរឿង «ចងពៀរ» ដែលនឹងត្រៀមចាក់ផ្សាយក្នុងរោងភាពយន្តក្នុងខែ តុលា ឆ្នាំ ២០១៨នេះ។

សំឡេង​ក្រលួចនេះ ឆ្លុះបញ្ជាំងពី ចិត្តស្នេហារបស់នារីម្នាក់ ដែលដិតដាមជាមួយអនុស្សាវរិយ៍ ជាច្រើនដែលធ្វើឱ្យរូបនាង​ពិតពិបាកនឹងអាចបំភ្លេចបាន រឿងរ៉ាវនៃសេចក្ដីស្នេហារបស់នាងពិតជាជារឿងហួសចិត្ត ធ្វើឱ្យរូបនាងមិនអស់ចិត្តឡើយ។

ចង់ដឹងថាបទនេះមានអត្ថន័យ និងពិរោះរណ្ដំយ៉ាងណាប្រិយមិត្តអាចទស្សនាបទនេះខាងក្រោម៖

កុំភ្លេចទស្សនា វីដេអូ ភាពយន្ត ចងពៀរ ដោយមានសំឡេងចម្រៀងបទ «ឱ្យអូនឣស់ចិត្ត» ច្រៀងដោយអ្នកនាង មាស សុខ សោភា ៖