- 2018-09-22 09:32:27
- ចម្រៀង
Taeyeon និង Key នាំគ្នាទម្លាយពីបទសម្អប់របស់ក្រុមរៀងៗខ្លួន តែចុងក្រោយបានដឹងខ្លួន
- 2018-09-22 09:32:27
- ចំនួនមតិ 0 | ចំនួនចែករំលែក 0
Taeyeon និង Key នាំគ្នាទម្លាយពីបទសម្អប់របស់ក្រុមរៀងៗខ្លួន តែចុងក្រោយបានដឹងខ្លួន
ចន្លោះមិនឃើញ
ពេលវេលាដ៏កម្រមួយបានកើតឡើង នៅពេល Key តារាចម្រៀងប្រចាំក្រុម SHINee អញ្ជើញ Taeyeon មកចូលរួមក្នុងកម្មវិធី Cheongdam KEYchen។ អំឡុងពេលកំពុងញ៉ាំនេះ ញ៉ាំនោះលេងជាមួយគ្នា ពួកគេក៏បានរម្លឹកពីបទចម្រៀងរបស់ក្រុមរៀងៗខ្លួន។
តួយ៉ាងសម្រាប់អ្នកគាំទ្ររបស់ Girls' Generation បានដឹងរួចមកហើយ Taeyeon ធ្លាប់រម្លឹកម្ដងថា នាងមិនចូលចិត្តបទ "Gee” ទេ ព្រោះវាមិនមែនជារសនិយមនាង ហើយម្យ៉ាងបទនេះក៏មិនស៊ីនឹងចរិតរបស់នាងដែរ។ ប៉ុន្តែអ្វីៗស្រាប់តែធ្វើឲ្យនាងភ្ញាក់ស្មានមិនដល់ ពេលបទនេះទទួលបានការគាំទ្រខ្លាំង។ មួយវិញទៀត Taeyeon ក៏បាននិយាយថា "Gee” ក៏បានលើក Girls' Generation ឲ្យមានអ្នកស្គាល់ច្រើន ដូចនេះវាជាបទមានតម្លៃវិសេសវិសាលបំផុត។
ចូលដល់ Key វិញម្ដង ក៏បានបង្ហើបដែរថាលោកស្អប់បទ "Hello” ព្រោះវាប៉ះពាល់ចរិតខ្លួន។ ប៉ុន្តែតារាប្រុសរូបនេះ ក៏បានគិតសញ្ជឹងត្រឡប់ទៅក្រោយវិញ និងដឹងថាបទនេះ គឺជាបទពិសេសបំផុតដែលនាំ SHINee ឈរនៅទី មួយដែលរឹងមាំបំផុត។
មិនមែនតែបទ "Hello” ទេ ពោល Key ក៏មិនចូលចិត្តពេលផ្សព្វផ្សាយបទ "Ring Ding Dong” ដែរ ព្រោះតែប្រភេទតន្ត្រី និងចង្វាក់របស់បទនេះ។ Key និយាយថា ពេលខ្លះ ពេលឮសូរគេចាក់បទ "Ring Ding Dong” លោកសឹងតែមិនចង់ឮចំណងជើងបទទៀត។ ប៉ុន្តែយ៉ាងណាបទនេះ នៅតែល្បីជាប់ជានិច្ច ហើយគ្រប់ឃ្លាឃ្លោងក្នុងបទនេះ មិនដែលទៅណាឆ្ងាយពីខួរក្បាលលោកទេ។
សម្រាប់តារាប្រចាំផលិតកម្ម SM ទាំង ២ ពិតជាឆ្លងកាត់រឿងរ៉ាវជាច្រើនក្នុងអាជីពជាតារាចម្រៀង ប៉ុន្តែយ៉ាងណាពេលវេលាលំបាក និងឧបសគ្គទាំងនោះ ក៏បានធ្វើឲ្យពួកគេបន្តដំណើរយ៉ាងរីករាយមកដល់បច្ចុប្បន្ន៕