- 2018-10-03 04:50:29
- ជីវិតតារា
ស្វែង សុជាតា បញ្ជាក់ពីទំនាក់ទំនងស្នេហាប្ដីប្រពន្ធ ខណៈលេចឮដំណឹងរកាំរកូសញឹកញាប់
- 2018-10-03 04:50:29
- ចំនួនមតិ 0 | ចំនួនចែករំលែក 0
ស្វែង សុជាតា បញ្ជាក់ពីទំនាក់ទំនងស្នេហាប្ដីប្រពន្ធ ខណៈលេចឮដំណឹងរកាំរកូសញឹកញាប់
ចន្លោះមិនឃើញ
ការងារសម្ដែងរបស់អ្នកនាងស្វែង សុជាតា នៅតែបន្តទៅមុខយ៉ាងរលូន ទោះជាលេចឮដំណឹងមិនល្អពីទំនាក់ទំនងស្នេហារបស់អ្នកនាង និងស្វាមីថ្មីជាបន្តបន្ទាប់។ នេះព្រោះតែទេពកោសល្យក្នុងវិស័យសិល្បៈពិសេសការសម្ដែងដ៏ជំនាញរបស់អ្នកនាង មិនអាចមានអ្នកណាមកកាឡៃបាន តែជីវិតគូហាក់មិនសូវមានព័ត៌មានល្អផ្សព្វផ្សាយប៉ុន្មាននោះទេ។
ក្នុងបទសម្ភាសជាមួយ Sabay អ្នកនាងបានពន្យល់យ៉ាងដឹងច្បាស់ពីទំនាក់ទំនងប្ដីប្រពន្ធរបស់អ្នកនាងឱ្យប្រិយមិត្តបានដឹង ដើម្បីកុំឱ្យមានការភាន់ច្រឡំ ឈានដល់ការប្រើពាក្យមុសាដល់នរណាម្នាក់ក្នុងទំនាក់ទំនងគ្រួសាររបស់អ្នកនាងដោយក្ដីស្រលាញ់ ឬក៏ដោយការខឹងស្អប់ណាមួយដែលមិនបានយល់ច្បាស់ពីស្ថានភាពពិតប្រាកដ។
តារាសម្ដែងច្រើនទម្រង់រូបនេះបន្តថា បច្ចុប្បន្នបេះដូងរបស់អ្នកស្រីគឺមានតែកូនៗ ហើយក្ដីបំណងរបស់ខ្លួន គឺមិនខុសពីម្ដាយគ្រប់រូបនោះទេ តែងតែចង់ឱ្យកូនមានអនាគតល្អ មានកិត្តិយស មានឈ្មោះល្បាញល្បី។ ចំណែកឯស្វាមីរបស់អ្នកនាងវិញ ក៏នៅតែមានទំនាក់ទំនងល្អ ហើយរូបគាត់នៅតែថែរក្សាគ្រួសាររបស់អ្នកនាងដដែល គ្រាន់តែទំនាក់ទំនងអ្នកទាំងពីរប្រែប្រួល លែងដូចប្ដីប្រពន្ធធម្មតាដែលខ្វះគ្នាមិនបានហើយ។
អ្នកនាង ស្វែង សុជាតា ពន្យល់ថា បច្ចុប្បន្នក្នុងចិត្តរបស់អ្នកនាងលែងខ្វល់នឹងទំនាក់ទំនងស្នេហាទៀតហើយ គឺមានតែកូនៗប៉ុណ្ណោះ។ រីឯអតីតស្វាមីទី១របស់អ្នកនាង គឺនៅតែរក្សាទំនាក់ទំនងល្អជាមិត្តភ័ក្ដិ ហើយអនុញ្ញាតឱ្យជួបទាក់ទងជាមួយកូនៗរបស់អ្នកនាងក្នុងតួនាទីដូចជាឪពុកធម្មតាមិនមានការហាមឃាត់អ្វីឡើយ៕
