- 2018-10-07 02:00:00
- ជីវិតតារា
បំណងមួយរបស់ BamBam ត្រូវរលាយដោយសារ Rain តែរឿងអស្ចារ្យផ្សេងបែរជាកើតឡើង
- 2018-10-07 02:00:00
- ចំនួនមតិ 0 | ចំនួនចែករំលែក 0
បំណងមួយរបស់ BamBam ត្រូវរលាយដោយសារ Rain តែរឿងអស្ចារ្យផ្សេងបែរជាកើតឡើង
ចន្លោះមិនឃើញ
និយាយក្នុងកម្មវិធី Loukgolf's English Room តារាចម្រៀង K-Pop សញ្ជាតិថៃ Bam Bam សមាជិកក្រុម GOT7 បានបង្ហើបថា ដោយសារ Rain ទើបលោកមានថ្ងៃនេះ ហើយក្ដីសុបិនរបស់លោកតាំងពីតូចក៏ត្រូវបោះបង់ចោលដែរ។
តារាវ័យក្មេងដែលកំពុងសាងកេរ្តិ៍ឈ្មោះល្បីល្បាញពេញពិភព K-Pop រូបនេះបានរម្លឹកថា កាលពីមុនលោកវក់ក្នុងការលេងហ្គេមបំផុត រហូតពេលខ្លះធ្វើពត់ជាឈឺ ដើម្បីមកផ្ទះបានលេងហ្គេម។ ដោយសារការស្រឡាញ់ចូលចិត្តនេះហើយទើប Bam Bam តាំងចិត្តចង់ក្លាយជាអ្នកលេងហ្គេមដ៏ល្បី និងចង់បង្កើតហ្គេមដោយខ្លួនឯងនៅពេលអនាគត។ ប៉ុន្តែអ្វីៗបានប្រែប្រួល នៅពេលម្ដាយរបស់លោកនាំទៅទស្សនាការប្រគំតន្ត្រីរបស់ Rain។
នៅពេលឃើញការសម្ដែងរបស់កំពូលតារា K-Pop រូបនេះ BamBam ស្រាប់តែភ្ញាក់ខ្លួន និងទន្ទេញពាក្យមួយជាប់មាត់ ថាលោកចង់ក្លាយជាតារាល្បីដូច Rain ថ្ងៃណាមួយ។ ក្រោយពីនោះ តារាវ័យក្មេងនេះក៏ចាប់ផ្ដើមរៀនរាំ និងឈប់លេងហ្គេមរហូត។ លោកថែមទាំងបញ្ជាក់ថា ត្រឹម១យប់ប៉ុណ្ណោះ បានធ្វើឲ្យជីវិតលោកផ្លាស់ប្ដូរ ព្រោះតែ Rain។
រហូតមកទល់ថ្ងៃនេះ Bam Bam ពិតជាបានធ្វើឲ្យខ្លួនឯងហក់ឡើងខ្ពស់សឹងមិនគួរឲ្យជឿ ដោយមានអ្នកគាំទ្រជាច្រើនផ្ដល់ការស្រឡាញ់គ្រប់ទិសទី។ តារាប្រុសកើតឆ្នាំ ១៩៩៧រូបនេះ គឺជាពន្លក K-Pop របស់ផលិតកម្ម JYP និងជាសមាជិកក្រមិចក្រមើមម្នាក់របស់ GOT7 ដែលកំពុងក្លាយជាទីពេញចិត្តរបស់យុវវ័យ៕