/5bc02829409cd_1539319800_medium.jpg)
- 2018-10-12 23:25:00
- ជីវិតតារា
ទម្លាយមូលហេតុ កែវ វាសនា មិនរកស៊ីដីឡូត៍ ទោះគេអូសទាញយ៉ាងណា
- 2018-10-12 23:25:00
- ចំនួនមតិ 0 | ចំនួនចែករំលែក 0
ទម្លាយមូលហេតុ កែវ វាសនា មិនរកស៊ីដីឡូត៍ ទោះគេអូសទាញយ៉ាងណា
ចន្លោះមិនឃើញ
មួយរយៈនេះ តារាជាច្រើនបានងាកមកបណ្ដាក់ទុនយ៉ាងគគ្រឹកគ្រេង លើវិស័យដីធ្លីជាបន្តបន្ទាប់។ សម្រាប់តារាចម្រៀង លោក កែវ វាសនា វិញ ទោះជាមានគេអូសទាញ និងបញ្ចុះបញ្ចូលឲ្យរកស៊ីលើផ្នែកនេះក្ដី តែលោកបែរជាមិនចាប់អារម្មណ៍ ហើយសុខចិត្តចំណាយពេលវេលា យកចិត្តទុកដាក់លើមុខរបរលក់ផលិតផលសម្រស់របស់ភរិយាទៅវិញ ។
ហេតុផលចម្បងនោះ គឺម្ចាស់បទ "លទ្ធផលស្មោះពេក" គ្រោងពង្រឹងមុខជំនួញលក់ផលិតផលថែរក្សាសម្រស់លក់តាមអនឡាន មកជាក្រុមហ៊ុនមានទីតាំងច្បាស់លាស់ ក្នុងពេលឆាប់ៗ។ ម្ល៉ោះហើយ ទាមទារឲ្យលោកមើលការខុសត្រូវច្រើន និងមិនសូវមានពេលវេលាគ្រប់គ្រាន់ គិតលើមុខជំនួញផ្សេងនោះទេក្នុងពេលនេះ។
តារាចម្រៀងងាកមកសាន់ដេ ជាទ្រនំចាស់របស់ខ្លួនវិញ ឲ្យដឹងថា មានមិត្តភ័ក្កិតែងមកអូសទាញ និងប្រាប់ឲ្យរកស៊ីដីឡូត៍ដែរ តែលោកហាក់គ្មានចំណាប់អារម្មណ៍។ ម្យ៉ាងមើលឃើញថា មានគេរកស៊ីលើរបរនេះច្រើនហើយ ដូច្នេះទីផ្សារទំនងចង្អៀត ប្រកួតប្រជែងខ្លាំង និងគិតថាមិនសូវមានភាពងាយស្រួលចំពោះខ្លួន ព្រោះលោកមិនធ្លាប់ប្រលូកក្នុងវិស័យនេះពីមុនមកឡើយ៕
