- 2018-10-16 06:43:42
- ជីវិតតារា
ក្រោយល្បីមានមុខស្រដៀងជំទាវ ស្រីតូច ចំណាន កញ្ញាឯកធម្មជាតិ ទេព ម៉ាយ៉ារ៉ែត ក្លាយជាថៅកែផ្ទះល្វែងរាប់រយល្វែង
- 2018-10-16 06:43:42
- ចំនួនមតិ 0 | ចំនួនចែករំលែក 0
ក្រោយល្បីមានមុខស្រដៀងជំទាវ ស្រីតូច ចំណាន កញ្ញាឯកធម្មជាតិ ទេព ម៉ាយ៉ារ៉ែត ក្លាយជាថៅកែផ្ទះល្វែងរាប់រយល្វែង
ចន្លោះមិនឃើញ
ស្រីស្អាត ទេព ម៉ាយ៉ារ៉ែត ដែលល្បីមានមុខមាត់ស្រដៀងនឹងជំទាវ ស្រីតូច ចំណាន បន្ទាប់ពីជាប់ជាកញ្ញាឯកធម្មជាតិកាលអំឡុងឆ្នាំ ២០១៧ ការងារសិល្បៈហាក់ដូចមិនសូវចេញមុខច្រើនឡើយ ប៉ុន្តែអ្វីដែលជាការកត់សម្គាល់វិញ តារាស្រីរូបនេះបែរជា មានមុខច្រើនលើវិស័យជំនួញទៅវិញ។ បច្ចុប្បន្ននាងកំពុងតែបោះទុនវិនិយោគលើជំនួញផ្ទះល្វែងរាប់រយល្វែង ជាមួយអនាគតបេះដូងរបស់នាង ដោយប្រើទុនរាបសិបលានដុល្លារឯណោះ។
សំណង់ផ្ទះល្វែងដែល ស្រីស្អាត ទេព ម៉ាយ៉ារ៉ែត កំពុងតែវិនិយោគនេះ គឺស្ថិតនៅតំបន់បែកចាន ដែលបច្ចុប្បន្នកំពុងតែសម្រុកសាងសង់ ក្នុងនោះមានល្វែងមួយចំនួនបានសាងសង់ជិតរួចទៅហើយ។ ការវិនិយោគនេះ មិនមែនមានតែនាង និងគូស្នេហ៍នោះទេ គឺមានភាគហ៊ុនមួយចំនួនទៀតបានចូលរួម។ អតីតសិស្សសាលាផ្នែករបាំនៅសាលាវិចិត្រសិល្បៈរូបនេះ មិនបានប្រាប់ពីទុនវិនិយោគសរុបឡើយ ប៉ុន្តែនាងបានបង្ហើបថា ផ្ទះល្វែងនោះមានទាំងអស់រហូតដល់ទៅ៥០០ល្វែង ក្នុងនោះនាង និងអនាគតស្វាមី គឺជាអ្នកទទួលខុសត្រូវធំលើវិនិយោគនេះ។
អនាគតបេះដូងរបស់ ស្រីស្អាត ម៉ាយ៉ារ៉ែត ត្រូវបានប្រភពមួយទម្លាយឲ្យដឹងថា គឺជាអ្នកជំនួញធំម្នាក់ហើយថែមទាំងមានតួនាទីក្នុងរដ្ឋាភិបាលផងដែរ ប៉ុន្តែបែបនេះក្ដីតារាស្រីដែលមានកំណើតមកពីខេត្តកំពង់ឆ្នាំងវ័យ៣០ឆ្នាំរូបនេះ មិនបានទម្លាយឲ្យដឹងឡើយ ដោយនាងគ្រាន់តែប្រាប់ថា ពួកគេបានស្រលាញ់គ្នាជាច្រើនឆ្នាំមកហើយ និងគ្រោងចូលរោងជ័យនៅដើមឆ្នាំ២០១៩ខាងមុខនេះ។
ក្រៅពីជំនួញផ្ទះល្វែងដែលបានលើកឡើងខាងលើ ស្រីស្អាត ទេព ម៉ាយ៉ារ៉ែត ក៏ល្បីខាងលក់ ផលិតផលតាមអនឡាញផងដែរ បច្ចុប្បន្ននាងកំពុងតែកុម្ម៉ង់ផលិតផលថែរក្សាសម្រស់ពីរោងចក្រផ្ទាល់ ដោយដាក់ស្លាកយីហោផ្ទាល់ខ្លួនថែមទៀតផង ហើយឆាប់ៗនេះនាង និងអនាគតស្វាមី គ្រោងនឹងបើកហាងផឹកស៊ីធំមួយថែមទៀត ដែលនេះគឺជាជោជ័យធំគួរឲ្យកត់សម្គាល់។
ទោះបីជាមមាញឹកលើការជំនួញបែបនេះក្ដី តារាស្រីដែលមានមុខដូចជំទាវ ស្រីតូច ចំណានរូបនេះ មិនបានបោះបង់ការងារសិល្បៈឡើយ រាល់ថ្ងៃគឺ នៅតែឆ្លៀតទៅថតម្ដងម្កាល ដែលការងារញឹកញាប់ជាងគេ គឺថតសម្អាងការ ហើយឆាប់ៗខាងមុខនេះ គ្រោងថតរឿងភាគឲ្យផលិតកម្មមួយផងដែរ។ ស្រីស្អាត ទេព ម៉ាយ៉ារ៉ែត បានថ្លែងជា ចុងក្រោយថា ទោះបីជាថ្ងៃក្រោយខ្លួនមានទ្រព្យច្រើនបែបណាក្ដី ចំពោះការងារសិល្បៈវិញនាងមិនបោះបង់ចោលឡើយ ព្រោះវាគឺជាអាជីពដែលស្រលាញ់តាំងពីដឹងក្ដី ម្យ៉ាងនាងគិតថា ការងារសិល្បៈនេះប្រសិនបើខ្លួនចេញមុខកាន់តែច្រើននោះក៏ជាចំណែកមួយជួយឲ្យការងាររកស៊ីនាងកាន់តែជោគជ័យផងដែរ ៕
រូបភាព៖ ហ្វេសប៊ុក ទេព ម៉ាយ៉ារ៉ែត
