- 2018-10-18 07:26:55
- ព័ត៌មាន
Yang Hyun Suk អះអាងថា រាល់សមាជិក Black Pink នឹងមានចម្រៀងរៀងៗខ្លួន
- 2018-10-18 07:26:55
- ចំនួនមតិ 0 | ចំនួនចែករំលែក 0
Yang Hyun Suk អះអាងថា រាល់សមាជិក Black Pink នឹងមានចម្រៀងរៀងៗខ្លួន
ចន្លោះមិនឃើញ
ថ្មីៗនេះ ក្រោយព័ត៌មានថា តារាចម្រៀង Jennie នឹងចេញបទចម្រៀងទោលរបស់នាងឆាប់ៗខាងមុខនេះ ម្ចាស់ផលិតកម្ម YG លោក Yang Hyun Suk បានបង្ហោះសារមួយលើគណនី Instagram ផ្ទាល់របស់លោក ដើម្បីស្រាយបញ្ជាក់យ៉ាងច្បាស់ថា មិនមែនមានតែ Jennie ម្នាក់នោះទេដែលមានបទចម្រៀងទោលខ្លួនឯងនោះ។
នៅក្រោមរូបភាពមួយសន្លឹកដែលអាចជាឈុតមួយក្នុងបទចម្រៀងថ្មីរបស់តារាចម្រៀង Jennie ប៉ាប៉ា YG រូបនេះ បានសរសេរបញ្ជាក់ថា៖ "ពួកយើងកំពុងធ្វើការរួមគ្នា ទាំងលើបទចម្រៀងថ្មីរបស់ក្រុម Black Pink ក៏ដូចជាបទចម្រៀងទោលសម្រាប់សមាជិកទាំង ៤ ក្នុងក្រុមនេះ។ បទចម្រៀងរបស់ Jennie នឹងចេញដំបូងគេ ក្រោយមក Rose នឹងចេញបន្ទាប់។ កម្លាំងដ៏ខ្លាំងរបស់ក្រុម Black Pink គឺថា រាល់សមត្ថភាព និងទេពកោសល្យរបស់សមាជិកនីមួយៗក្នុងនាមជាតារាចម្រៀងទោល គឺខ្លាំងក្លាដូចគ្នាទៅនឹងការងារជាក្រុមដូច្នោះដែរ"។
ប្រសិនបើ Yang Hyun Suk រក្សាសម្ដីរបស់លោកមែននោះ នេះមានន័យថា អ្នកគាំទ្រនឹងអាចបានស្ដាប់ចម្រៀងទោលរបស់សមាជិកនីមួយៗរបស់ក្រុម Black Pink ក្នុងពេលឆាប់ៗខាងមុខនេះ៕