ខ្សែភាពយន្តថ្មីចុងក្រោយរបស់ Fan Bingbing ត្រូវលុបចោលការចាក់បញ្ចាំង

2018-10-18 08:46:01
ភាពយន្ត

2018-10-18 08:46:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តប្រាកដជាបានដឹងមកហើយ នូវបញ្ហារឿងរ៉ាវគេចពន្ធរបស់តារាសម្ដែង Fan Bingbing នោះ។ ទោះបីជាបច្ចុប្បន្ន រឿងអាស្រូវគេចពន្ធរបស់នាងសាបរលាបបន្តិចទៅហើយក្ដី ប៉ុន្តែរឿងរ៉ាវទាំងនោះ បានបង្កការប៉ះទង្គិចធ្ងន់ធ្ងរមួយ។

កាលពីពេលថ្មីៗនេះ មានសេចក្ដីប្រកាសមួយបានបង្ហាញថា រឿងថ្មីចុងក្រោយរបស់នាងដែលមានចំណងជើងថា "Air Strike” ត្រូវបានចាត់ទុកជាមោឃៈ និងលុបចោលការចាក់បញ្ចាំងគ្រប់រោងភាពយន្តទាំងអស់។ រឿងមួយនេះដែរ ចាត់ទុកជាខ្សែភាពយន្តមួយដែលចំណាយថវិកាច្រើនបំផុត ជាមួយនឹងទឹកប្រាក់សរុបជាង ១០០ លានដុល្លារ។

ក្រោយដំណឹងពាក់ព័ន្ធរឿងគេចពន្ធរបស់នាងត្រូវបានបែកធ្លាយ ក្រុមផលិតករបានព្យាយាមកែប្រែស្ថានការណ៍ដោយបានលុបឈុតឆាកដែលមានតារាសម្ដែង Fan Bingbing ចោលទាំងអស់ រួមទាំងលុបឈ្មោះរបស់នាងចេញពីផ្ទាំង Poster ផងដែរ ប៉ុន្តែនៅតែមិនអាចកែប្រែស្ថានការណ៍បាន។

ជាមួយគ្នានោះដែរ អ្នកដឹកនាំរឿង Xiao Feng បានបង្ហោះសារយលើគណនី Weibo របស់លោកដើម្បីសុំទោសទស្សនិកជនពាក់ព័ន្ធនឹងការលុបចោលការចាក់បញ្ចាំងខ្សែភាពយន្តមួយនេះ៕

ប្រភព៖ jaynestars ប្រែសម្រួល៖ អន សុភក្ត្រា