- 2018-10-22 02:05:05
- ជីវិតតារា
រៀបការ ២ ឆ្នាំហើយ Goo Hye Sun ទើបដាច់ចិត្តបង្ហាញចិញ្ចៀនរៀបការ
- 2018-10-22 02:05:05
- ចំនួនមតិ 0 | ចំនួនចែករំលែក 0
រៀបការ ២ ឆ្នាំហើយ Goo Hye Sun ទើបដាច់ចិត្តបង្ហាញចិញ្ចៀនរៀបការ
ចន្លោះមិនឃើញ
កាលពីឆ្នាំ ២០១៦ គូស្នេហ៍តារាសម្ដែង Goo Hye Sun និង Ahn Jae Hyun បានក្លាយជាប្ដីប្រពន្ធនឹងគ្នាស្របច្បាប់ ក្រោយពួកគេបានសម្រេចចិត្តរៀបអាពាហ៍ពិពាហ៍ដោយស្ងាត់ៗ ដោយមានការចូលរួមតែពីសំណាក់ក្រុមគ្រួសាររបស់ពួកគេតែប៉ុណ្ណោះ។
ក្នុងថ្ងៃអាពាហ៍ពិពាហ៍នោះដែរ ពួកគេ ក៏បានទៅមន្ទីរពេទ្យកុមារ ដើម្បីបរិច្ចាគថវិកាទាំងប៉ុន្មានដែលពួកគេចំណាយលើការរៀបការនោះទៅមន្ទីរពេទ្យនោះទាំងអស់។ ក្រោយមក ជីវិតគ្រួសាររបស់តារាសម្ដែងមួយគូនេះ ក៏ហាក់ស្ងប់ស្ងាត់អស់រយៈពេល ២ ឆ្នាំមកនេះ។
កាលពីពេលថ្មីៗនេះដែរ តារាសម្ដែង Goo Hye Sun បានធ្វើឲ្យអ្នកគាំទ្រមានការភ្ញាក់ផ្អើលជាខ្លាំង ខណៈរូបនាង បានបង្ហោះរូបភាពមួយសន្លឹកលើគណនី Instagram ផ្ទាល់របស់នាង។ រូបនោះគឺជារូបចិញ្ចៀនរៀបការដែលបានច្នៃឡើងផ្ទាល់ដោយដៃតារាសម្ដែង Anh Jae Hyun ប្រគល់ជូននាង។
ជាមួយនឹងរូបភាពមួយសន្លឹកនេះដែរ គូស្នេហ៍ Goo Hye Sun និង Anh Jae Hyun បានធ្វើឲ្យអ្នកគាំទ្រជាច្រើនច្រណែននឹងភាពផ្អែមល្ហែមរបស់ពួកគេជាខ្លាំង ហើយពួកគេក៏បានជូនពរឲ្យតារាទាំង២រូបនេះ ទទួលបានសុភមង្គលបែបនេះ ជារៀងរហូត៕