- 2018-10-23 03:10:00
- ជីវិតតារា
ដល់ម្លឹង! នាយទុយ ផ្ដល់ការចងចាំ ស្ទើរបំភ្លេចមិនបាន ដល់ អ៊ឹង និមល
- 2018-10-23 03:10:00
- ចំនួនមតិ 0 | ចំនួនចែករំលែក 0
ដល់ម្លឹង! នាយទុយ ផ្ដល់ការចងចាំ ស្ទើរបំភ្លេចមិនបាន ដល់ អ៊ឹង និមល
ចន្លោះមិនឃើញ
តារាម៉ូដែលរាងខ្ពស់ស្រលះ អ៊ឹង និមល ក្រៅពីចាប់អាជីពជាតារាសម្ដែង ចម្រៀង ពេលនេះ កញ្ញាថែមទាំងចាប់ឱកាសជាពិធីការីនីថែមទៀតផង។ ការងារថ្មោងថ្មីនេះ ត្រូវបាន កញ្ញា និមល បង្ហើបថា នាងទទួលបានមេរៀន ស្ទើរបំភ្លេចមិនបានឡើយ ពីលោក អ៊ឹង រដ្ឋា ហៅនាយ ទុយ ដែលជាពិធីករល្បីម្នាក់។
តារាអាយុ២៧ឆ្នាំរូបនេះ បន្តថា ត្បិតមានដុងខ្លះៗលើអាជីពសិល្បៈ តែបើនិយាយពី ការងារជាពិធីការីនី អាចចាត់ទុកថា កញ្ញាមានបទពិសោធន៍តិចតួច។ ចំណែក លោក ទុយ វិញ ជាពិធីករយូរឆ្នាំមកហើយ និងទទួលបានការស្ងើចសរសើរពីទស្សនិកជនទៀតផង។ តែទោះយ៉ាងណា កញ្ញាសប្បាយចិត្ត និងទទួលបានការណែនាំពីលោកទុយ អោយចេះរបៀបនិយាយយ៉ាងណា ឲ្យទស្សនិកជនស្ដាប់មិនធុញទ្រាន់។
លើសពីនេះ លោកទុយ បានបង្រៀនថា មិនចាំបាច់និយាយតាមប៉ារូដែលគេឲ្យច្រើនពេកនោះទេ ត្រូវចេះបង្កើតឃ្លានិយាយដោយខ្លួនឯងដោយវ័យឆ្លាត ។ ជួនកាល ឃើញទិដ្ឋភាពអ្វីប្លែកក្នុងព្រឹត្តិការណ៍នោះ អាចលើកមកនិយាយ បូករួមទាំងចេះកំប្លែងខ្លះៗ ក៏ល្អដែរ ហើយត្រូវនិយាយតាមបែបធម្មជាតិ ទើបទស្សនិកជនស្លុងអារម្មណ៍ ជក់ចិត្ត មិនធុញទ្រាន់។ តាមពិត កញ្ញា និមល ត្រូវជាប្អូនស្រី របស់ពិធីករល្បីឈ្មោះរូបនេះ ហើយកញ្ញា កំពុងត្រងត្រាប់ស្ដាប់តាមដំបូន្មានពីសាច់ញាតិ គឺលោក ទុយ បូករួមទាំង មើលតាមរៀមច្បងបន្ថែម។
កញ្ញា និមល បានក្លាយជាពិធីការីនីក្នុងកម្មវិធី "អាណាចក្រនារី" របស់ស្ថានីយទូរទស្សន៍មួយ ហើយកញ្ញាជឿជាក់ថា ខ្លួនអាចនឹងវិវត្តន៍ជាពិធីការីនីមានវិជ្ជាជីវៈម្នាក់៕
