- 2018-10-23 02:08:45
- ព័ត៌មាន
ប៉ូលិសបានចេញដីកាចាប់ខ្លួន អតីតមិត្តប្រុស Goo Hara
- 2018-10-23 02:08:45
- ចំនួនមតិ 0 | ចំនួនចែករំលែក 0
ប៉ូលិសបានចេញដីកាចាប់ខ្លួន អតីតមិត្តប្រុស Goo Hara
ចន្លោះមិនឃើញ
នៅទីបំផុត ប៉ូលិសបានចេញដីកាចាប់ខ្លួនលោក Choi Jong Bum ដែលត្រូវជាអតីតមិត្តប្រុសរបស់តារាចម្រៀង Goo Hara។
នៅថ្ងៃទី ២២ ខែតុលានេះ ប៉ុស្តិ៍ប៉ូលិសស្រុក Gangnam បានប្រកាសថា៖ "នៅថ្ងៃទី ១៩ ពួកយើងបានចេញដីកាចាប់ខ្លួនលោក Choi ពីបទគំរាមកំហែង រំលោភបំពាន និងបង្ខិតបង្ខំ ហើយដីកានោះដែរ ត្រូវបានបញ្ជូនទៅការិយាល័យព្រះរាជអាជ្ញាកណ្ដាលស្រុកនៃទីក្រុង Seoul នៅថ្ងៃនេះ"។
លោក Choi ត្រូវបានជាប់ចោទពីបទរំលោភបំពាន និងគំរាមកំហែង Hara ជាមួយវីដេអូសម្ងាត់របស់ពួកគេ។ នៅថ្ងៃទី ០២ ខែតុលា ក្រុមប៉ូលិសក៏បានឆែកឆេរផ្ទះរបស់លោក ហើយក៏បានទាញយកប្រព័ន្ធអេឡិចត្រូនិករបស់លោកដើម្បីធ្វើការស្រាវជ្រាវបន្ត។ នៅថ្ងៃទី ១៧ ក្នុងខែដដែល ទាំង Goo Hara និងអតីតមិត្តប្រុសរបស់នាង ត្រូវបានបញ្ជូនខ្លួនទៅប៉ុស្តិ៍ប៉ូលិសដើម្បីសួរចម្លើយ។ គួរបញ្ជាក់ដែរថា រហូតមកទល់បច្ចុប្បន្ននេះ បញ្ហារវាងពួកគេទាំង២នាក់ កំពុងស្ថិតក្នុងការស៊ើបអង្កេតបន្តនៅឡើយ៕
