- 2018-10-23 04:03:58
- ព័ត៌មាន
មានចិញ្ចើមដ៏គួរឲ្យទាក់ទាញ តែ Cara បែរជាធ្លាប់ស្អប់វាទៅវិញ
- 2018-10-23 04:03:58
- ចំនួនមតិ 0 | ចំនួនចែករំលែក 0
មានចិញ្ចើមដ៏គួរឲ្យទាក់ទាញ តែ Cara បែរជាធ្លាប់ស្អប់វាទៅវិញ
ចន្លោះមិនឃើញ
តារាម៉ូដែល និងសម្ដែង Cara Delevingne ត្រូវបានគ្រប់គ្នាស្គាល់ច្បាស់ ដោយសារតែចិញ្ចើមក្រាស់ដ៏គួរឲ្យទាក់ទាញរបស់នាង។ ទោះជាយ៉ាងណាក៏ដោយ តារាស្រីរូបនេះបានបង្ហាញប្រាប់ថា នាងធ្លាប់ស្អប់ចិញ្ចើមរបស់នាងខ្លាំងជាងគេ កាលនៅពីក្មេង។
ក្នុងកិច្ចសម្ភាសជាមួយទស្សនាវដ្ដី InStyle តារាសម្ដែងស្រីវ័យ ២៦ ឆ្នាំរូបនេះបាននិយាយថា៖ "ខ្ញុំពិតជាស្អប់ចិញ្ចើមរបស់ខ្ញុំណាស់ ប៉ុន្តែម្ដាយរបស់ខ្ញុំតែងតែប្រាប់ខ្ញុំថា វាជាចំណុចទាក់ទាញបំផុតលើខ្លួនខ្ញុំ។ ពេលនោះខ្ញុំហួសចិត្ត ហើយនិយាយថា ពួកវាមើលទៅដូចឈ្លើងយក្សទំលើមុខខ្ញុំអ៊ីចឹង ហើយម៉ាក់បែរគិតថា វាជាចំណុចទាក់ទាញរបស់ខ្ញុំ?”
តួអង្គក្នុងរឿង "Suicide Squad” រូបនេះបានបន្តទៀតថា៖ "ខ្ញុំចង់បានចិញ្ចើមតូចស្ដើង ហើយខ្ញុំតែងតែកោរវារហូត។" ក្រោយមក រូបនាង ក៏បានចាប់ផ្ដើមស្គាល់អ្វីជា "រូបសម្រស់ពិតប្រាកដ"។ នាងបានបន្ថែមថា៖ "ខ្ញុំមិនយល់សោះថា ហេតុអ្វីមនុស្សស្រីចាំបាច់ខ្វល់ពីរូបសម្រស់ខ្លាំងបែបនេះ។ ខ្ញុំមិនពេញចិត្ត និងសរសើរចិញ្ចើមរបស់ខ្ញុំទាល់តែសោះ រហូតមនុស្សគ្រប់គ្នាសរសើរវាចំពោះមុខខ្ញុំ"៕