ផលិតករ LD ប្រាប់ពីភាពជោគជ័យក្នុងវិស័យភាពយន្តតាំងពីរឿង «អាបពាក់មួកសុវត្ថិភាព»

2018-10-28 08:00:00
ភាពយន្ត

2018-10-28 08:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក លៀក លីដា ជាផលិតករខ្មែរមួយរូបដែលជោគជ័យខ្លាំងក្នុងវិស័យភាពយន្ត ថែមទាំងផលិតភាពយន្តខ្នាតធំមិនតិចជាង ២០ ចំណងហើយទេរយៈពេលជាង ១០ឆ្នាំ ក្នុងឧស្សាហកម្មភាពយន្តកម្ពុជា។

តាមការរៀបរាប់របស់ លីដា ក្នុងវីដេអូសម្ភាសជាមួយ Sabay ផលិតករភាពយន្តរូបនេះ ប្រលូកក្នុងវិស័យភាពយន្តដោយផ្ដើមពីអ្នកកាត់តវីដេអូ និងធ្លាប់ទទួលអាហារូបករណ៍ទៅរៀនផ្នែកផលិតភាពយន្តនៅប្រទេសកូរ៉េខាងត្បូង តែលោកត្រូវត្រឡប់មកវិញក្នុងរយៈ ៧ ថ្ងៃរស់នៅក្រៅប្រទេស ព្រោះតែមិនអាចសម្របនឹងការរស់នៅក្រៅស្រុកបាន។

ត្រឡប់មកប្រទេសវិញភ្លាម លោក លីដា មានគំនិតផលិតវីដេអូភាពយន្តដោយចិត្តពុះកញ្ជ្រោល និងក្តីស្រលាញ់ពេញចិត្ត ដោយរឿងដំបូងដែលជោគជ័យបំផុតរបស់លោក គឺរឿង «អាបពាក់មួកសុវត្ថិភាព»។ រឿងនេះរកចំណូលច្រើនលើសពីការរំពឹងទុក រហូតបណ្ដាលឱ្យផលិតកម្មកាន់តែរីកចម្រើន ព្រមទាំងផលិតភាពយន្តបែបភ័យរន្ធត់ កំប្លែង ជាបន្ទាប់ៗរហូតមកដល់បច្ចុប្បន្ន។

ផលិតករ LD ក៏កាន់ពង្រីកទីផ្សារ និងពង្រឹងគុណភាពភាពយន្តរបស់ខ្លួន ហើយបង្កើនការផលិត បើទោះជាមានបញ្ហាក្នុងវិស័យភាពយន្តជាច្រើនបានកំពុងកើតឡើង និងមិនទាន់អាចដោះស្រាយ តួយ៉ាងដូចជារឿង ពន្ធអារក រឿងរ៉ាវទាក់ទងនឹងការនាំចូលភាពយន្តបរទេសយ៉ាងសន្ធឹកសន្ធាប់នាពេលបច្ចុប្បន្ន។