អ្នកគាំទ្រមិនតិចទេផ្អើលថា CL ស្រកទម្ងន់ តែបើដឹងរឿងពិត បានភ្ញាក់ក្រញ៉ាង

2018-11-05 05:47:57
ព័ត៌មាន

2018-11-05 05:47:57
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលបទស្នាដៃថ្មីរបស់ខ្លួនជាមួយ Black Eyed Peas មានចំណងជើងថា "Dopeness” ចេញជាផ្លូវការ CL ក៏បានបង្ហោះរូបភាពអំឡុងពេលកំពុងរៀបចំខ្លួនថតបទនេះ លើគណនី Instagram ដើម្បីសាទរបទថ្មីនេះ។

CL បានធ្វើឲ្យគ្រប់គ្នាដែលជាអ្នកគាំទ្របើកភ្នែកធំៗគ្រប់គ្នា ពេលបង្ហាញរូប២សន្លឹកជាមួយការតុបតែងខ្លួនដ៏ស្រស់ត្រដែត ហើយកាន់តែភ្ញាក់ផ្អើលគឺ រូបរាងស្លីម ខុសពីរាងថ្មីៗដែលសុទ្ធតែសាច់ធាត់ទ្រលុកទ្រលន់។ ដោយសាររូបនេះមិនធ្លាប់បានបែកធ្លាយនាពេលកន្លងមក ទើបធ្វើឲ្យអ្នកគាំទ្រភាគច្រើននាំគ្នាគិតថា ២សន្លឹកនេះ ជារូបរាងថ្មី ក្រោយការព្យាយាមហាត់ប្រាណអំឡុងពេលត្រឹម ២ខែប៉ុណ្ណោះ សម្រាប់បទថ្មី។ ប៉ុន្តែធាតុពិត គឺខុសពីការគិតទាំងស្រុង។

រូបភាពស្នាដៃបង្ហោះរបស់ CL នៅថ្ងៃទី ២៧ ខែតុលាកន្លងទៅនេះ បានថត កាលពីអំឡុងពេលនាងថតបទចម្រៀងសហការរួមជាមួយ Black Eyed Peas ដែលទើបចេញកាលពីពេលថ្មីៗនេះ។ តាមការឲ្យដឹងបន្ថែម បទ "Dopeness” បានថតទុកកាលពី ២ឆ្នាំមុនម្ល៉េះ មិនមែនទើបតែថតថ្មីៗនេះទេ។