- 2018-11-09 07:00:00
- ព័ត៌មាន
Baby លែងបារម្ភសុខភាពដូចមុន ទោះមមាញឹកការងារខ្លាំង
- 2018-11-09 07:00:00
- ចំនួនមតិ 0 | ចំនួនចែករំលែក 0
Baby លែងបារម្ភសុខភាពដូចមុន ទោះមមាញឹកការងារខ្លាំង
ចន្លោះមិនឃើញ
តារារាងតូចច្រឡឹង កញ្ញា Baby ប្រាប់ថា សុខភាពរបស់នាងពេលនេះ លែងខ្សោយដូចមុនទៀតហើយ ដូច្នេះម្ចាស់បទ "អំណាចលុយ" លែងភ័យព្រួយ ខ្លាចដួលសន្លប់ អំឡុងពេលចុះថតទៀតហើយ។
ជាពិធីការីនីផង ច្រៀងផង Baby ស្ទើររកពេលទំនេរគ្មាន រហូតមិនហ៊ានទទួលថតរឿង ដោយសារតែការងារសិល្បៈច្រើនគរជើងគ្នាពេក។ ទោះយ៉ាងនេះក្ដី ស្រីស្អាតសំដី Cute Cute រូបនេះ និយាយថា សុខភាពនាង រឹងមាំជាងមុនឆ្ងាយណាស់ ព្រោះក្រោយពីបានការណែនាំពីគ្រូពេទ្យ នាងដឹងពីវិធីថែទាំសុខភាពបានច្រើន។
កន្លងមក Baby ខ្វះឈាម ឧស្សាហ៍ដួលសន្លប់ញឹកញាប់ ពេលចុះថតម្ដងៗ ធ្វើឲ្យក្រុមគ្រួសារបារម្ភខ្លាំងណាស់។ ប៉ុន្តែពេលនេះ កញ្ញា ថា ទោះរវល់យ៉ាងណា ត្រូវឆ្លៀតញ៉ាំ និងបំប៉នឲ្យបានច្រើន ។ លើសពីនេះ ស្រីស្អាតរូបនេះ មានការថែទាំជាពិសេស ពីម្ដាយផ្ទាល់ ដូច្នេះទោះ Baby លួចខ្ជិល មិនចង់ញ៉ាំឬសម្រាកមិនគ្រប់គ្រាន់ ក៏មិនបានដែរ៕