- 2018-11-14 03:04:00
- ជីវិតតារា
តួសង្ឃតូចសៅលីង មិនសូវកាក់កបខ្លាំងលើវិថីសិល្បៈដូចពីតូចមែន តែរស់នៅជីវិតហ៊ឺហាញាក់សាច់
- 2018-11-14 03:04:00
- ចំនួនមតិ 0 | ចំនួនចែករំលែក 0
តួសង្ឃតូចសៅលីង មិនសូវកាក់កបខ្លាំងលើវិថីសិល្បៈដូចពីតូចមែន តែរស់នៅជីវិតហ៊ឺហាញាក់សាច់
ចន្លោះមិនឃើញ
តារាប្រុសសាងកេរ្តិ៍ឈ្មោះតាំងពីនៅជាក្មេងតូច Ashton Chen ជាតារាប្រុសវ័យក្មេង ដែលអ្នកគាំទ្រកោតសរសើរមិនដាច់ពីមាត់នូវទេពកោសល្យសិល្បៈ ពិសេសសមត្ថភាពសម្ដែងគុន រហូតមនុស្សភាគច្រើនរំពឹងទុកថា លោកអាចក្លាយជាកំពូលតារាក្បាច់គុន បន្ទាប់ពី Jet Li, Jackie Chan និង Donnie Yen ជាដើម។
ទោះជា អាជីពសិល្បៈងើបឡើងខ្លាំងក៏ដោយ ប៉ុន្តែ Aston ក៏មិនភ្លេចការសិក្សាដែរ។ លោកបានដកខ្លួនពីសិល្បៈមួយរយៈធំ ដើម្បីបន្តការសិក្សានៅបរទេស។ ប៉ុន្តែគួរឲ្យស្ដាយ ត្រឡប់ចូលសិល្បៈវិញ Aston មិនបានគ្រងតំណែងជាតួធំដូចមុនទេ។ យ៉ាងណា ក៏មិនមែនជាបញ្ហាសម្រាប់លោក ពិសេសទាក់ទងនឹងហិរញ្ញវត្ថុ ព្រោះតារាប្រុសរូបនេះរស់នៅ ជាមួយជីវិតហ៊ឺហាណាស់។ ចំណុចនេះកាន់តែ ធ្វើឲ្យមជ្ឈដ្ឋានជាច្រើនឆ្ងល់ថា តើលោករកស៊ីអ្វី ហេតុអ្វីមានម្ល៉េះ ស្របពេលអាជីពសិល្បៈមិនកាក់កបផង?
ផ្អែកតាមវិបសាយព័ត៌មានចិន បានបង្ហាញឲ្យដឹងថា តារាប្រុសវ័យ ៣០នេះ មានអចលនទ្រព្យផ្ទាល់ខ្លួនតម្លៃរាប់រយលានដុល្លារឯណោះ។ ជាមួយទ្រព្យសម្បត្តិដ៏ច្រើននេះ Aston រស់នៅយ៉ាងរំភើយមិនខ្វល់ខ្វះចាយសោះឡើយ។ មិនត្រឹមតែប៉ុណ្ណោះ លោកក៏បានរកស៊ីជួញដូរសម្ភារៈទំនើបៗ ដូចជា ឡាន ស្បែកជើងកីឡា នាឡិកាដៃជាដើម។
លោកកាន់កាប់ឡានជាច្រើនគ្រឿងដូចជា Range Rover Autobiography SUV, Audi R8 និង Nissan GT-R។
ងាកមកជីវិតសិល្បៈវិញ បើទោះលោកលែងជា កំពូលតារាជួរមុខ ប៉ុន្តែ Ashton នៅតែជាតារាប្រុសអាស៊ីដែលក្លាយជានិមិត្តរូបរបស់អាស៊ី ពិសេសវិស័យគុន។ ប៉ុន្តែ ដោយសារមើលតាមស្នាដៃពីអតីតកាល បូករួមនឹងទេពកោសល្យមិនអាចកាត់ថ្លៃបាន អ្នកដឹកនាំរឿងជាច្រើន នៅតែចាប់អារម្មណ៍លោក បើទោះលោកលែងជាតារាប្រុសដែលមានមុខទាក់ទាញខ្លាំងនាសម័យបច្ចុប្បន្នក៏ដោយ។
ដោយឡែក នៅឆ្នាំ ២០១៧ លោកបានបើកសាលាហាត់គុនមួយកន្លែង ហើយក៏ក្លាយជាគ្រូគុនវ័យក្មេងម្នាក់ដែរ។ មិនត្រឹមតែប៉ុណ្ណោះ ក្រៅពីធ្វើជាសម្ដែងរឿង ចូលរួមក្នុងកម្មវិធីទូរទស្សន៍ និងថតរូបឲ្យទស្សនាវដ្ដី តារាប្រុសត្រកូល Chen នេះក៏ចូលរួមក្នុងការងារជាអ្នកដឹកនាំថតកុន ហើយតាមរយៈការងារនេះ ក៏ជាចំណែកមួយនៃចំណូលរបស់លោកដែរ៕