- 2018-11-16 04:20:00
- ព័ត៌មាន
កូនខ្មែររស់នៅកាណាដាមួយរូប តស៊ូផលិតចម្រៀងនិងក្បាច់រាំពិតជាគួរឲ្យសរសើរ
- 2018-11-16 04:20:00
- ចំនួនមតិ 0 | ចំនួនចែករំលែក 0
កូនខ្មែររស់នៅកាណាដាមួយរូប តស៊ូផលិតចម្រៀងនិងក្បាច់រាំពិតជាគួរឲ្យសរសើរ
ចន្លោះមិនឃើញ
លោក ណាត កែវ គឺជាតារាចម្រៀងនិងអ្នកបង្ហាត់រាំសញ្ជាតិខ្មែរម្នាក់រស់នៅទីក្រុង Victoria ខេត្ត Brtish Columbia ប្រទេសកាណាដា ដែលតែងតែខិតខំប្រឹងប្រែងផលិតចម្រៀងថ្មីៗជាភាសាខ្មែរ គុណភាពលំដាប់អន្តរជាតិ។
ថ្លែងមកកាន់សារព័ត៌មាន Sabay តារារូបនេះចាប់ផ្ដើមផលិតតន្ដ្រីតាំងពីឆ្នាំ ២០០៣ មកម្ល៉េះ ប៉ុន្តែភាគច្រើនគឺគ្រាន់តែភ្លេងសម្រាប់គម្រោងហាត់រាំតែប៉ុណ្ណោះ រហូតមកដល់ឆ្នាំ២០១៦ ទើបលោកចាប់ផ្ដើមផលិតបទសម្រាប់ចម្រៀងនិងព្រមទាំងសរសេរនិពន្ធបទចម្រៀងជាភាសាខ្មែរ។ លុះរហូតមកដល់ឆ្នាំ ២០១៧ ទើបលោកបញ្ចេញបទចម្រៀងដំបូងចំណងជើងថា "Myself”។
ជុំវិញការផលិតចម្រៀងជាភាសាខ្មែរ និងរស់នៅក្រៅប្រទេសដូច្នេះ តារាអាណិកជនរូបនេះបញ្ជាក់ថា ខ្លួនមិនសូវជាចាប់អារម្មណ៍ជាមួយការប្រែប្រួលតន្ត្រីនៅកម្ពុជាប៉ុន្មានទេ ប៉ុន្តែលោកផ្ដោតសំខាន់ទៅលើតន្ត្រីផ្ទាល់ខ្លួនដែលមានចង្វាក់រាំនៅក្នុងនោះព្រោះលោកជាអ្នកជំនាញខាងរាំមួយរួប។ មិនត្រឹមតែប៉ុណ្ណោះ ដោយសារតែលោកមិនរស់នៅកម្ពុជា វាអាចផ្ដល់សេរីភាពមួយក្នុងការផលិតចម្រៀងថ្មីនិងទាន់សម័យ។ ក៏ប៉ុន្តែលោកក៏បានបញ្ជាក់ថា ចង់ឃើញតន្ដ្រីដែលផលិតដោយខ្លូនឯង (Original Music) ត្រូវគេទទួលស្គាល់កាន់តែច្រើន ព្រោះអាចធ្វើឲ្យអ្នកជំនាញក្នុងអាជីពនេះកាន់តែមានទឹកចិត្តក្នុងការផលិត។
ក្នុងរយៈពេលជាង១ឆ្នាំមួយនេះ បទចម្រៀងលោកដែលទទួលបានការគាំទ្រច្រើនគឺបទ "Myself” និង "Once More” ដែលសុទ្ធតែច្រៀងជាភាសាខ្មែរ។ ថ្មីៗនេះលោកក៏បានបញ្ចេញបទចម្រៀងមួយបទទៀតដែលមានចំណងជើងថា "Single At Heart” ដែលទើបតែបញ្ចេញវីដេអូចម្រៀងថ្មីៗ។
ទស្សនាវីដេអូចម្រៀងបទ "Single At Heart” ខាងក្រោម៖