- 2018-11-16 08:02:24
- ព័ត៌មាន
តារាល្បីណាខ្លះ ត្រូវប៉ាប៉ា YG បដិសេធមិនយកចូលផលិតកម្ម?
- 2018-11-16 08:02:24
- ចំនួនមតិ 0 | ចំនួនចែករំលែក 0
តារាល្បីណាខ្លះ ត្រូវប៉ាប៉ា YG បដិសេធមិនយកចូលផលិតកម្ម?
ចន្លោះមិនឃើញ
នៅថ្ងៃទី១៥ ខែវិច្ឆិកានេះ ផលិតកម្ម YG ទើបតែបង្ហាញវីដេអូខ្លីថ្មី សម្រាប់កម្មវិធីប្រកួតប្រជែងថ្មីចុងក្រោយមួយដែលមានឈ្មោះថា "YG Treasure Box” ហើយបើតាមការបង្ហាញក្នុងវីដេអូនោះ ម្ចាស់ផលិតកម្ម YG លោក Yang Hyun Suk ក៏បានបង្ហាញពីតារាល្បីៗ ៦ រូបដែល លោកបដិសេធមិនយកចូលផលិតកម្ម។
តារាចម្រៀង Rain
ម្ចាស់ផលិតកម្ម YG បាននិយាយថា Rain បានប្រឡងចូលផលិតកម្ម YG ប៉ុន្តែត្រូវបានផលិតកម្មមួយនេះបដិសេធ។ ចុងក្រោយ Rain ក៏ត្រូវបានទទួលដោយផលិតកម្ម JYP ហើយក្លាយជាតារាល្បីល្បាញមួយរូបប្រចាំប្រទេសកូរ៉េ។
តារាសម្ដែង Park Bo Gum
Park Bo Gum បានផ្ញើវីដេអូរបស់លោកដើម្បីប្រកួតប្រជែងចូលផលិតកម្មយក្សមួយនេះ ប៉ុន្តែវីដេអូរបស់លោក បែរជាមិនជាប់សូម្បីត្រឹមវគ្គជម្រុះ។ Yang Hyun Suk ពិតជាសោកស្ដាយចំពោះការសម្រេចចិត្តមិនជ្រើសរើសយកវីដេអូរបស់តារាសម្ដែងរូបនេះ។ Park Bo Gum បានក្លាយខ្លួនជាតារាសម្ដែងលើកដំបូងក្នុងឆ្នាំ ២០១៤ ហើយក៏ទទួលបានប្រជាប្រិយភាពខ្លាំង ចាប់តាំងពីពេលនោះមក។
តារាចម្រៀង Chungha
Yang Hyun Suk ក៏មិនបានជ្រើសរើសវីដេអូប្រកួតប្រជែងរបស់ Chungha ផងដែរ ដែលចុងក្រោយធ្វើឲ្យនាងប្ដូរផ្លូវទៅរកផលិតកម្ម JYP ផលិតកម្ម MNH និងចុងក្រោយក្នុងកម្មវិធី Produce 101។ បច្ចុប្បន្ន នាងកំពុងក្លាយជាតារាចម្រៀងទោលដ៏ល្បីមួយរូបប្រចាំប្រទេសកូរ៉េ។
សមាជិកក្រុម Red Velvet តារាចម្រៀង Wendy, តារាចម្រៀង Crush និង តារាសម្ដែង Honey Lee
មិនខុសគ្នាពីតារាចម្រៀង Chungha និងតារាសម្ដែង Park Bo Gum ប៉ុន្មាននោះទេ តារាចម្រៀង Wendy, Crush និង Honey Lee ពួកគេទាំងអស់គ្នា សុទ្ធតែធ្លាប់ដាក់ពាក្យប្រកួតប្រជែងចូលផលិតកម្ម YG តាមរយៈវីដេអូរបស់ ប៉ុន្តែក៏ត្រូវបានផលិតកម្មមួយនេះ បដិសេធដូចគ្នា៕
ទស្សនាវីដេអូខាងក្រោម៖