- 2018-11-17 08:27:00
- ជីវិតតារា
ឌូង ហ្សូរីម៉ា តាំងចិត្តបើមិនស្គមដូចមុន សុខចិត្តអត់វិលចូលសិល្បៈ
- 2018-11-17 08:27:00
- ចំនួនមតិ 0 | ចំនួនចែករំលែក 0
ឌូង ហ្សូរីម៉ា តាំងចិត្តបើមិនស្គមដូចមុន សុខចិត្តអត់វិលចូលសិល្បៈ
ចន្លោះមិនឃើញ
មួយរយៈនេះ កញ្ញា ឌួង ហ្សូរីម៉ា មិនសូវឃើញមានសកម្មភាពក្នុងការសម្ដែងភាពយន្ត ថត MV ឬថតស្ប៉តដូចមុនទៀតឡើយ។ ហេតុផលនេះ ត្រូវបានប្អូនស្រី របស់កញ្ញា ឌួង ហ្សូលីដា ប្រាប់ថា ព្រោះខ្លួនឡើងគីឡូពេក ទើបសម្រេចផ្អាកសិល្បៈមួយរយៈសិនទៅ។
កាលពីមុន ហ្សូរីម៉ា មានទម្ងន់ត្រឹម៤៧គីឡូក្រាមប៉ុណ្ណោះ មើលទៅមានរាងរៅ ស្អាតសមសួន តែឥលូវទម្ងន់របស់នាង ឡើងដល់ ៥៧ គីឡូក្រាម ធ្វើឲ្យខ្លួនមានអារម្មណ៍ថា ធាត់មូលដូចបាល់។ ដោយសារហេតុផលនេះ ទើប ហ្សូរីម៉ា មិនទាន់ចង់ទទួលការងារសិល្បៈ ទោះមានបណ្ដាផលិតកម្មជាច្រើនទាក់ទងជាហូរហែក៏ដោយ។
តារាកើតក្នុងទីក្រុងភ្នំពេញ ប្ដេជ្ញាចិត្តរួចហើយថា បើមិនស្រកគីឡូ មិនខ្ចីចូលសិល្បៈវិញឡើយ។ លុះត្រាបានគីឡូត្រឹម៤០ជាងដូចមុន ទើបហ្សូរីម៉ា ព្រមចូលសិល្បៈដូចដើម។
លើសពីនេះ ស្រីស្អាតនិយមបញ្ចេញស្ទីល Cute Cute បញ្ជាក់ថា ជាប់រវល់មើលការខុសត្រូវជំនួសបងស្រីបង្កើតរបស់ខ្លួន លើហាងលក់ផលិតផលសម្រស់នាំចូលពីកូរ៉េ និងថៃ។ គួបផ្សំនឹងគីឡូឡើងផង ហើយរវល់ទៀត តារាសម្ដែងនិងបង្ហាញម៉ូដរូបនេះ មិនទាន់គិតគូរលើការងារសិល្បៈ ឡើយ។ យ៉ាងណាមិញ រូបនាងមិនបោះបង់សិល្បៈនោះទេ បើមានកម្មវិធីជួបជុំរបស់អ្នកសិល្បៈ រីម៉ានៅតែមកចូលរួមធម្មតា៕