- 2018-11-18 04:04:40
- ព័ត៌មាន
ស្ងាត់ពីសិល្បៈច្រើនឆ្នាំឥឡូវ ឈឿន ឧត្ដម លេចមុខដើរច្រៀងតាមកម្មវិធីមង្គលការ
- 2018-11-18 04:04:40
- ចំនួនមតិ 0 | ចំនួនចែករំលែក 0
ស្ងាត់ពីសិល្បៈច្រើនឆ្នាំឥឡូវ ឈឿន ឧត្ដម លេចមុខដើរច្រៀងតាមកម្មវិធីមង្គលការ
ចន្លោះមិនឃើញ
ជារឿងមួយគួរឲ្យភ្ញាក់ផ្អើលដែលតារាចម្រៀង ឈឿន ឧត្ដម បង្ហាញខ្លួនច្រៀងតាមកម្មវិធីមង្គលការ ឬ ជប់លៀងផ្សេងក្នុងក្រមរបស់ ហង្ស ឧត្ដមម៉ានី ក្រោយពីស្ងប់ស្ងាត់ក្នុងពិភពសិល្បៈអស់រយៈពេលច្រើនឆ្នាំមកនេះ។
ជាក់ស្ដែងក្នុងទំព័រហ្វេសប៊ុក ហង្ស ឧត្ដមម៉ានី បានបង្ហោះកាលពីពេលថ្មីៗនេះប្រម៉ូដក្រុមតន្ត្រីសម័យរបស់ខ្លួនក៏មានរូប ឈឿន ឧត្ដម នៅលើផ្ទាំងផ្សព្វផ្សាយនោះផងដែរ។ ជាហេតុធ្វើឲ្យមតិមួយចំនួនយល់ថា ម្ចាស់បទ"ឱបស្រមោល" រូបនេះចាប់ផ្ដើមលេចមុខដើរច្រៀងកម្មវិធីមង្គលការជាមួយ ហង្ស ឧត្ដមម៉ានី ហើយក្រោយពីអវត្តមានមិនបានបង្ហើរសំនៀងច្រើនឆ្នាំនៅតាមប៉ុស្តិ៍ទូរទស្សន៍ និងឆាកតន្ត្រីធំៗ។
ទោះបីជាមានការលើកឡើងចំពោះរូបភាពនៅលើផ្ទាំងផ្សព្វផ្សាយដូច្នេះក្ដីទាំង ឈឿន ឧត្ដម និង ហង្ស ឧត្ដមម៉ានី មិនអាចសុំបកស្រាយលម្អិតបានទេ ដោយទូរស័ព្ទហៅចូលមិនមានអ្នកទទួល។
ការបង្ហាញមុខច្រៀងតាមកម្មវិធីមង្គលការរបស់ ឈឿន ឧត្ដម សារជាថ្មីធ្វើកើតឡើងបន្ទាប់ពីអ្នកនាង ស៊ិន ឧត្ដមផល្លា បានបកស្រាយប្រាប់ពីមូលហេតុពិតដែលលោក បាត់មុខពីសិល្បៈទៅកាន់ហ្វេនៗកាលពីថ្ងៃទី ២៥ ខែតុលា ឆ្នាំ២០១៨ កន្លងទៅ។
នាងថា ចំពោះការអវត្តមាន ឈឿន ឧត្ដម ពីពិភពសិល្បៈអស់រយៈពេលជាច្រើនឆ្នាំមកនេះដោយសារតែលោក មិនសូវមានការអញ្ជើញឲ្យឡើងច្រៀងតាមស្ថានីយទូរទស្សន៍ដូចពេលមុន។ ម្យ៉ាងទៀតស្របពេលខ្លួនមានបញ្ហាច្រមុះ និងបំពង់កទៀតនោះទើបការងារសិល្បៈស្ងប់ស្ងាត់។
លោក ឈឿន ឧត្ដម ចូលប្រឡូកក្នុងសិល្បៈនាឆ្នាំ ១៩៩៨ តាមរយៈការប្រឡងចម្រៀងក្នុងកម្មវិធី គន្លងតារា របស់ស្ថានីយទូរទស្សន៍ប៉ុស្ថិ៍លេខ៥ ដោយលោកទទួលបានជយលាភីលេខ ២ ក្រោយមក លោកមានកេរ្តិ៍ឈ្មោះបោះសំឡេងនៅក្នុងផលិតកម្ម រស្មីស្ទឹងសង្កែ តាមរយៈបទមនោសញ្ចេតនាល្បីៗជាច្រើនបទ៕