- 2018-11-19 03:18:00
- ជីវិតតារា
ឃើញមាស សុខសោភាអត់ស្អាត សាន ផានិតបដិសេធមិនច្រៀងជាមួយ ឥលូវបែរបង្ហើបថាស្ដាយក្រោយ
- 2018-11-19 03:18:00
- ចំនួនមតិ 0 | ចំនួនចែករំលែក 0
ឃើញមាស សុខសោភាអត់ស្អាត សាន ផានិតបដិសេធមិនច្រៀងជាមួយ ឥលូវបែរបង្ហើបថាស្ដាយក្រោយ
ចន្លោះមិនឃើញ
ជាតារាចម្រៀងជាង២០ឆ្នាំ លោក សាន ផានិត ទើបបង្ហើបពីតារាចម្រៀងស្រីក្នុងចិត្ត ដែលលោកប្រាថ្នាចង់ក្លាយជាដៃគូចម្រៀងបំផុត។ ម្នាក់នោះ គឺ កំពូលតារាចម្រៀង មាស សុខសោភា ដែលលោកធ្លាប់បដិសេធមិនរួមសហការជាមួយ អំឡុងច្រៀងរួមទ្រនំនៅផលិតកម្ម U2 កាលពីជាង១០ឆ្នាំមុន។
ដើមចម ដោយសារគ្រាជួបគ្នាលើកដំបូង ម្ចាស់បទ " មានជីវិតត្រូវតែតស៊ូ" ទើបមកពីអាមេរិក ហើយឃើញ អ្នកនាង មាស សុខសោភា ពាក់អាវរងា និងទម្រង់មុខវិញ មិនសូវស្អាតនោះទេ។ ពេលនោះ ខាងផលិតកម្ម បានឲ្យលោកនិងម្ចាស់បទ "មេឃកំពុងភ្លៀងហើយ" ចាប់ដៃគ្នាច្រៀងក្នុង Album តែមួយ ប៉ុន្តែលោកបែរជាបដិសេធ ព្រោះគិតថា មាស សុខសោភាមិនស្អាត មិនសូវមានអ្វីអាចទាក់ទាញទស្សនិកជនបាន។
ពេលនោះ លោកទុយ និង លោក រ៉េតធីដូណា ប្រាប់ថា សោភាមិនសូវស្អាតមែន តែសម្លេងពីរោះ ។ដូច្នេះឲ្យលោក សាន ផានិត ចាប់ដៃច្រៀងជាមួយទៅ ប្រាកដជាមិនខកចិត្តទេ តែលោក សាន ផានិត វិញ គិតថា មិនអាចឡើយ ។
មកទល់ពេលនេះ ម្ចាស់បទ " មានជីវិតត្រូវតែតស៊ូ" នៅតែស្ដាយក្រោយ មិនគួរណាបដិសេធ មិនច្រៀងរួមគ្នានោះទេ។ សម្រាប់លោក វិញ ពេលនេះយល់ថា តារាចម្រៀងស្រីមកពីខេត្តកំពង់ស្ពឺរូបនេះ ពិតជា ស័ក្ដិសមជាកំពូលតារាចម្រៀងល្បីលំដាប់មែន មិនថាអត្តចរិត ការនិយាយស្តី សម្លេងច្រៀង ព្រមទាំងមានសីលធម៌ គុណធម៌ ថែមទៀត។ និយាយរួមទៅ ជាមនុស្សម្នាក់ Perfect ល្អមួយចប់ក្នុងក្រសែភ្នែកលោកតែម្ដង ហើយបើនិយាយពីសម្រស់អ្នកនាង សោភាវិញ កាន់តែល្បី កាន់តែស្អាត។
លោក សាន ផានិត សង្ឃឹមថា នឹងមានឱកាសបានចាប់ដៃគូចម្រៀងជាមួយ អ្នកនាង មាស សុខសោភា ជាថ្មីនៅថ្ងៃណាមួយ ដូចបំណងប្រាថ្នានៅពេលនេះ៕