- 2018-11-26 02:31:37
- ព័ត៌មាន
Mark ត្រូវសមាជិកក្រុមកូរពេញទំហឹង ក្រោយលេងល្បែងចាញ់គេ
- 2018-11-26 02:31:37
- ចំនួនមតិ 0 | ចំនួនចែករំលែក 0
Mark ត្រូវសមាជិកក្រុមកូរពេញទំហឹង ក្រោយលេងល្បែងចាញ់គេ
ចន្លោះមិនឃើញ
ក្នុងឈុតឆាកដែលមិនទាន់បញ្ចេញមួយរបស់កម្មវិធី 'Hard Carry 2” របស់ក្រុមចម្រៀង GOT7 បានបង្ហាញពីសមាជិកក្រុមនីមួយៗរបស់ក្រុមនេះ លេងល្បែង ក្ដាប់ លា កន្ត្រៃដដែលៗច្រើនដង ដើម្បីរកអ្នកចាញ់ ហើយធ្វើការពិន័យឲ្យលោតចុះទឹក។ ក្នុងឃ្លីបនោះដែរ តារាចម្រៀង Mark ស្រឡាំងកាំងជាមួយសម្រែកស្រែក ក្ដាប់ លា កន្ត្រៃ ប៉ុន្តែនៅតែចូលរួមលេងជាមួយគេ ទាំងមិនដឹងថាពួកគេលេងអ្វីឲ្យពិតប្រាកដនោះទេ។
ក្នុងពេលនោះដែរ Mark បាននិយាយថា លោកគ្មានអាវប្ដូរទៀតទេ បើឲ្យលោតទឹកនោះ ប៉ុន្តែចុងក្រោយ លោកជាសមាជិកម្នាក់ដែលលេងចាញ់គេ។ ដោយបានលេសគ្មានអាវប្ដូរបែបនេះ សមាជិកផ្សេងៗ បានសម្រេចចិត្តប្ដូរការពិន័យទៅជាពួកគេនាំគ្នារាំជុំវិញលោក នៅពេលពិន័យលោកឲ្យអង្គុយមួយកន្លែង ហើយផឹកស្រា។
ទោះជាយ៉ាងណាក៏ដោយ អំឡុងពេលដែលសមាជិកទាំងអស់កំពុងកូរតារាចម្រៀង Mark នោះ ប្រិយមិត្តអ្នកគាំទ្រជាច្រើនបែរជាអស់សំណើច ដោយគិតថា មិនដឹងនរណាជាអ្នកទទួលពិន័យឲ្យពិតប្រាកដនោះទេ ខណៈ Mark អង្គុយធម្មតា ហើយសមាជិកផ្សេងរាំឆ្ការដៃឆ្ការជើងបែបនេះ៕
ទស្សនាវីដេអូខាងក្រោម៖