- 2018-11-27 04:17:20
- ព័ត៌មាន
ប្រភពកំបាំងមុខ៖ "បងអ្ហើយ ក្នុងសិល្បៈអ្នកណាមានជាង ខាត់ សុឃីម ទៀត!”
- 2018-11-27 04:17:20
- ចំនួនមតិ 0 | ចំនួនចែករំលែក 0
ប្រភពកំបាំងមុខ៖ "បងអ្ហើយ ក្នុងសិល្បៈអ្នកណាមានជាង ខាត់ សុឃីម ទៀត!”
ចន្លោះមិនឃើញ
ត្បិតថា មានសិល្បករ មួយចំនួនហក់លោតខ្លាំងខាងមុខជំនួញតូចធំរៀងខ្លួនក៏ពិតមែន ប៉ុន្តែមានប្រភពកំបាំងមុខមួយបានបញ្ចេញឲ្យដឹងថា នៅក្នុងសិល្បៈខ្មែរបច្ចុប្បន្ន មានតែតារាប្រជាប្រិយ ខាត់ សុឃីម ប៉ុណ្ណោះ ដែលមានទ្រព្យ និងអចលនទ្រព្យច្រើនជាងគេបំផុត។
"ណ្ហើយបងអ្ហើយ...ក្នុងសិល្បៈរាល់ថ្ងៃនេះ អ្នកណាមានជាង ខាត់ សុឃីម ទៀតនោះ!"។ ប្រភពមិនបញ្ចេញឈ្មោះមួយរូបថ្លែង។ អះអាងបែបនេះ ប្រភពដដែលបានលើកឡើងបន្ថែមថា តារាប្រជាប្រិយខាងលើ ជាមនុស្សពូកែរក មិនសូវទំនេរ ក្នុងនោះមិនថាការងារសិល្បៈ និងការងាររកស៊ីផ្សេងៗនោះ គឺនាងមិនឲ្យរំលងមួយឡើយ។ ចំណុចនេះ ដូចអ្វីដែលសាមីខ្លួនធ្លាប់ប្រាប់មុននេះដែរថា នាងស្ដាយពេលវេលា ទើបមិនសូវមានពេលជួបជុំមិត្តភក្ដិទេ ពោលគឺ ពេលវេលាដែលមានទាំងប៉ុន្មាន គឺដើម្បីតែសកម្មភាពបង្កើតចំណូលប៉ុណ្ណោះ។
បន្ថែមពីលើនេះ ប្រភពបានគូសបញ្ជាក់ថា ក្រៅពីពូកែប្រឹងរកលុយមិនឈប់ហើយនោះ ខាត់ សុឃីម ក៏មិនមែនជាអ្នកចូលចិត្តចាយវាយផ្ដេសផ្ដាសនោះដែរ។ ដូច្នេះហើយ ទើបបច្ចុប្បន្នកូនច្បងត្រកូល ខាត់ រូបនេះ មានទ្រព្យរឹងមាំជាច្រើនក្នុងដៃ។ "អានេះតាមតែខ្ញុំដឹងទេ នាងមានផ្ទះនៅជិតផ្សារដេប៉ូតម្លៃក្បែរលានដុល្លារ នៅចោមចៅ នៅស្ទឹងមានជ័យ ហើយដីក៏មានច្រើនដែរ ទាំងនៅភ្នំពេញ និងនៅតាមបណ្ដាខេត្តទៀត...បងឯងគិតមើលទៅ ប៉ុន្មាន? នេះអ្វីដែលយើងដឹងផង!”។
នេះមិនទាន់និយាយដល់ចលនទ្រព្យរបស់ សុឃីម ដូចជារថយន្តស៊េរីទំនើបៗរបស់នាងមានដូចជា Ford Raptor នោះជាដើមផង។
ជុំវិញបញ្ហានេះ ខាត់ សុឃីម អស់សំណើចខ្លី មុនពេលផ្ដល់ចម្លើយអវិជ្ជមានចំពោះការលើកឡើងខាងលើ។ "ខឹក...ខ្ញុំសុំមិននិយាយអ្វីទេពីរឿងនេះ តាមតែគេ ឬតាមតែបងប្អូនមើលឃើញហ្នឹងទៅ...ប៉ុន្តែអ្វីដែលខ្ញុំនិយាយបាននោះ គឺថារាល់ថ្ងៃ រកមួយរៀលដាក់ផ្ទះគ្មានទេ!(សើច!) គឺអត់តែម្ដង ខ្ញុំនិយាយមែន...ខ្ញុំមិនដែលអត់លុយឯណាដូចឆ្នាំនេះទេ គឺអត់ហ្មង!”។
បែបនេះក្ដី តារាប្រជាប្រិយទទួលស្គាល់ថា នាងពិតមានផ្ទះ និងដីច្រើនកន្លែងពិតមែន តែនាងសុំមិននិយាយលម្អិតពីតួលេខ ពិតប្រាកដ។ "មែន បើនិយាយពីផ្ទះ និងដី ខ្ញុំមានច្រើនមែន...ប៉ុន្តែកុំអោយខ្ញុំនិយាយថាមានប៉ុន្មាន ប៉ុន្មានអី...កុំអី ពេលដែលនៅមានឱកាសចេះតែខំទៅ ហើយពេលរកបានក៏ចេះតែឆ្លៀតទិញនេះ ទិញនោះទុកអីចឹងទៅ...កុំឲ្យចាស់ទៅវាពិបាក!”។
និយាយពីបុព្វហេតុនៃការកកើតអចលនទ្រព្យដូចលើកឡើងខ្លះៗខាងលើ របស់ ខាត់ សុឃីម ត្រូវបានគេដឹងថា បានមកពីប្រភពជាច្រើន ដូចជាជំនួញទទួលបម្រើភ្លេងការ ភ្លេងខ្មែរដែលកាក់កបបំផុតរដូវបុណ្យទាន កឋិន ឬរដូវការនេះតែម្ដង ដែលអាចឲ្យនាងរកចំណូលបានរាប់ពាន់ រាប់ម៉ឺនដុល្លារក្នុងមួយខែៗ ដែលចាត់ជាប្រភពចំណូលធំរបស់នាង។ ក្រៅពីនេះ ការងារសិល្បៈច្រៀង(បុរាណ-សម័យ) សម្ដែង ជាដើម ក៏កៀរគរចំណូលមិនស្ទើរដែរប្រចាំខែ បូករួមទាំងការងារទិញលក់ដីមួយចំនួនទៀត សុទ្ធជាប្រភពលុយម៉ឺនៗដុល្លាររបស់នាង។
ខាត់ សុឃីម ទើបប្រកាសថ្មីៗ លក់ដីរបស់នាងមួយកន្លែងនៅខេត្តកំពត មានទីតាំងនៅផ្លូវក្រវាត់ក្រុងកំពតផ្លូវរីសតឌ្រីមលែនលក់ក្នុងតម្លៃ ១០ម៉ឺនដុល្លារអាមេរិកទៀតផង៕
