Selena Gomez បង្ហាញមុខលើកដំបូង ក្រោយសម្ងំលាក់ខ្លួនព្យាបាលជំងឺផ្លូវចិត្ត

2018-11-29 08:05:00
ព័ត៌មាន

2018-11-29 08:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ តារាចម្រៀង Selena Gomez បានបង្ហាញវត្តមានរបស់នាងជាលើកដំបូង ក្រោយបាត់មុខអស់ពេលមួយរយៈកន្លងមកនេះ។

ក្នុងកិច្ចសម្ភាសមួយជាមួយ ELLE.com តារាចម្រៀងស្រីរូបនេះ បាននិយាយពីភាពជឿជាក់របស់នាង ក្រោយចាកចេញពីមណ្ឌលព្យាបាលជំងឺផ្លូវចិត្តនៅក្នុងខែនេះ ខណៈរូបនាង កំពុងធ្វើការផ្សព្វផ្សាយយុទ្ធនាការថតរូប SGxPUMA។ ឈ្មោះដំបូងនៃ SgxPUMA collection នេះគឺ "Strong Girl” ដែលឈ្មោះនេះដែរ ត្រូវបានផ្ដើមគំនិតដោយផ្ទាល់ពី Selena Gomez ដោយសារតែនាងចង់បង្ហាញប្រាប់មនុស្សស្រីបច្ចុប្បន្ននេះឲ្យដឹងថា គុណសម្បត្តិដ៏ធំមួយរបស់យើងគឺ "ឥទ្ធិពល"។

ក្នុងកិច្ចសម្ភាសនោះដែរ ម្ចាស់បទ "Same Old Love” រូបនេះបាននិយាយថា៖ "ខ្ញុំគិតថា វាមានសារៈសំខាន់ណាស់សម្រាប់មនុស្សស្រីយើង ក្នុងការដឹងពីឥទ្ធិពលលើអ្វីគ្រប់បែបយ៉ាង ដែលមានក្នុងខ្លួនយើង។ ជាក់ស្ដែង ខ្ញុំទទួលបានកម្លាំងចិត្តពីមិត្តរបស់ខ្ញុំ ពួកគេមានរូបរាងខុសៗគ្នា ប៉ុន្តែពួកគេតែងជ្រើសស្លៀកពាក់អ្វីដែលពួកគេគិតថាស្រួលសម្រាប់ខ្លួនគេ។ ជាមនុស្សស្រីដ៏រឹងមាំម្នាក់ គឺជាអ្វីដែលខ្ញុំតែងតែព្យាយាមធ្វើវារាល់ថ្ងៃ ហើយវាពិតជាពិបាកណាស់ ប៉ុន្តែសម្រាប់ខ្ញុំ ខ្ញុំតែងតែមានអារម្មណ៍ល្អ នៅពេលការគិតរបស់ខ្ញុំត្រូវ ហើយរូបរាងរបស់ខ្ញុំក៏ត្រឹមត្រូវ។ វាមិនមែនជាភាពទន់ខ្សោយនោះទេ ក្នុងការទម្លាយអារម្មណ៍ឈឺចាប់របស់យើងចេញមកនោះ។ កម្លាំងឥទ្ធិពលពិតប្រាកដ គឺការឈឺចាប់ ភាពស្មោះត្រង់ និងក្ដីមេត្តា"៕

ទស្សនាវីដេអូខាងក្រោម៖