Jiang Jinfu ប្រឈមនឹងការជាប់គុករហូតដល់ ១៥ ឆ្នាំ ក្រោយអតីតមិត្តស្រីបង្ហាញភស្តុតាងបន្ថែម

2018-11-30 02:36:41
ជីវិតតារា

2018-11-30 02:36:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាក់ព័ន្ធនឹងរឿងអាស្រូវរបស់តារាសម្ដែង Jiang Jinfu ប្រើប្រាស់អំពើហិង្សាធ្ងន់ធ្ងរលើអតីតមិត្តស្រីរបស់លោកនោះ កាលពីថ្ងៃទី ២៨ ខែវិច្ឆិកា តារាសម្ដែងរូបនេះ ត្រូវបាននាំខ្លួនទៅប៉ុស្តិ៍ប៉ូលិសប្រចាំប្រទេសជប៉ុន ដើម្បីធ្វើការស៊ើបអង្កេតបន្តជុំវិញបញ្ហាហិង្សារបស់លោក។

ជាមួយគ្នានោះដែរ តារាសម្ដែង Jiang Jinfu បាននិយាយថា ដើមហេតុនៃការប្រើប្រាស់អំពើហិង្សានេះ គឺបណ្ដាលមកពីបញ្ហាផ្ទាល់ខ្លួន ឥឡូវលោកសុំមិនធ្វើការបកស្រាយពីបញ្ហានោះឡើយ។

មិត្តភក្ដិរបស់ Haruka (អតីតមិត្តស្រី Jiang Jinfu) បានចែកចាយរូបភាព និងភស្តុតាងពីរបួសដែល Haruka ទទួលរងពីការវាយដំរបស់Jiang Jinfu។ នៅថ្ងៃទី ០៨ ខែតុលា Haruka ត្រូវបានវាយដំ និងទទួលរងរបួសពាសពេញខ្លួន សូម្បីតែធ្មេញរបស់នាង ក៏ត្រូវបានវាយរហូតដល់បាក់ជ្រុះចុះមកក្រៅដែរ។ នៅថ្ងៃទី ១១ ខែតុលា ឆ្អឹងថ្ពាល់មុខរបស់នាងទាំងសងខាងត្រូវបានវាយដំធ្ងន់ធ្ងរ ហើយភ្លៅឆ្វេងរបស់នាង ត្រូវបានទាត់រហូតជាំឈាមនៅក្រោមស្បែក។ នៅថ្ងៃទី ១២ ខែតុលា ភ្នែកខាងស្ដាំ សរសៃប្រសាទខាងស្ដាំ និងទ្រូងរបស់នាងទទួលរងរបួសធ្ងន់ធ្ងរ រហូតបញ្ជូនទៅកាន់មន្ទីរពេទ្យដើម្បីសង្គ្រោះព្យាបាល។ នាងត្រូវចំណាយពេលជាងកន្លះខែក្នុងការព្យាបាលរបួសនេះ។

តាមច្បាប់របស់ប្រទេសជប៉ុន ប្រសិនបើបុគ្គលនោះបានប្រព្រឹត្តិដូចភស្តុតាងដែលបានបង្ហាញពិតមែន ទោសរបស់គេគឺត្រូវជាប់ពន្ធនាគាររហូតដល់ ១៥ឆ្នាំ និងពិន័យជាសាច់ប្រាក់ចំនួន ៥០០ ០០០យ៉េន (ជាង ៤ ៤០០ ដុល្លារ)៕

ប្រភព៖ Kenh14 ប្រែសម្រួល៖ អន សុភក្ត្រា