- 2018-12-02 06:58:00
- ព័ត៌មាន
ករុណាពេជ្រ បង្ហាញខ្លួនទាំងដើរប៉ាំងខ្ញើក ពេលចូលរួមមង្គលការញ៉ែម សុគន្ធ
- 2018-12-02 06:58:00
- ចំនួនមតិ 0 | ចំនួនចែករំលែក 0
ករុណាពេជ្រ បង្ហាញខ្លួនទាំងដើរប៉ាំងខ្ញើក ពេលចូលរួមមង្គលការញ៉ែម សុគន្ធ
ចន្លោះមិនឃើញ
ក្រោយពីដើរអស់ចម្ងាយផ្លូវ៤០គីឡូម៉ែត្រ ជើងរបស់លោក ករុណា ពេជ្រ ហើមផង ឈឺផង ធ្វើឲ្យលោកមានការពិបាកក្នុងការធ្វើដំណើរយ៉ាងខ្លាំង។ តែទោះយ៉ាងណា ម្ចាស់បទ "អ្នកកំដរ" នៅតែមកចូលរួមពិធីមង្គលការមិត្តសម្លាញ់ខ្លួន គឺលោក ញ៉ែម សុគន្ធ នៅកោះពេជ្រ ដោយខានមិនបាន។
បង្ហាញខ្លួនក្នុងសភាពជើងដើរប៉ាំងខ្ញើក តារារូបនេះ ប្រាប់ពីអាការៈថា សាច់ដុំជើងនៅស្ពឹកនៅឡើយ ហើយមានពងទឹកបែកលើជើងច្រើនកន្លែង ជាហេតុធ្វើឲ្យលោក ចាក់ពងទឹកនោះ ដើម្បីឲ្យឆាប់ជា។ យ៉ាងណា លោកមិនបានទៅពិនិត្យនៅគ្រូពេទ្យទេ ព្រោះយល់ថា ប្រហែលបីទៅបួនថ្ងៃទៀត សភាពជើងរបស់លោកនឹងវិលមកជាធម្មតាវិញ គ្រាន់តែពេលនេះនៅឈឺខ្លាំង ដោយសារមិនធ្លាប់ដើរផ្លូវឆ្ងាយពីមុនមក។
ករុណាពេជ្រ បានដើរតាំងពីភូមិកោះថ្ម ស្រុកមេមត់ ខេត្តត្បូងឃ្មុំ ដល់ចំណុចស្តូបរណសិរ្ស ២ធ្នូ នៅស្រុកអង្គស្នួល ខេត្តក្រចេះ ក្នុងព្រឹត្តិការណ៍ "៤០ Km ទៅកាន់ប្រវត្តិសាស្ត្រ" ។ ដោយសារផ្លូវឆ្ងាយផង ហើយត្រូវឆ្លងកាត់ផ្លូវលំបាកៗដូចជា ក្នុងចម្ការកៅស៊ូ ព្រៃ វាលស្រែ ក្តៅផង ហត់ផង ទើបធ្វើឲ្យលោកមានការហត់នឿយ និងឈឺជើងខ្លាំង តែលោកនៅតែសប្បាយចិត្ត ហើយទទួលបានបទពិសោធន៍ច្រើនពីព្រឹត្តិការណ៍មួយនេះ ព្រមទាំងស្វែងយល់ពីការលំបាករបស់យុវជនកាលពី៤០ឆ្នាំមុន ថាជួបបញ្ហាលំបាកយ៉ាងដូចម្តេចខ្លះ ៕
