- 2018-12-12 05:09:50
- ព័ត៌មាន
អាណិត រឿន ណាត Live ទាំងយំពីប្រទេសថៃមក រឿងអ្នកគាំទ្រនាងជេរបេក្ខនារីអាមេរិក!
- 2018-12-12 05:09:50
- ចំនួនមតិ 0 | ចំនួនចែករំលែក 0
អាណិត រឿន ណាត Live ទាំងយំពីប្រទេសថៃមក រឿងអ្នកគាំទ្រនាងជេរបេក្ខនារីអាមេរិក!
ចន្លោះមិនឃើញ
កញ្ញា រឿន ណាត បានអួលដើមក យំខ្សឹកខ្សួល ក្នុងវីដេអូ Live ពីប្រទេសថៃមកនៅវេលាថ្ងៃត្រង់នេះ ក្រោយពីមានការយល់ច្រឡំធំមួយក្នុងរង្វង់អ្នកគាំទ្ររបស់នាងនៅក្នុងប្រទេសកម្ពុជា ដែលបានធ្វើឲ្យមិត្តក្នុងប្រកួតជនជាតិអូស្ត្រាលីរបស់នាងឈឺចាប់រហូតដល់ស្រក់ទឹកភ្នែក។
ការយល់ច្រឡំនេះ បានកើតក្រោយពីការលេចធ្លាយវីដេអូមួយចេញពីការប្រកួត Miss Univers ដែលតាមសារព័ត៌មានក្នុងស្រុកមួយចំនួន បានលើកឡើងថា បវរកញ្ញាតំណាងប្រទេសអូស្ត្រាលីបាននិយាយមាក់ងាយ បវរកញ្ញាកម្ពុជា រឿន ណាត ថាអត់ចេះភាសាអង់គ្លេស។ អ្នកគាំទ្រកញ្ញា រឿន ណាត នៅកម្ពុជា មួយចំនួនបានចូលទៅ Comment ជេរប្រមាថបេក្ខនារីប្រទេសអូស្ត្រាលី ដែលធ្វើឲ្យសាមីខ្លួនឈឺចាប់រហូតដល់យំសស្រាក់។
“ក្រោយពីគាត់(បវរកញ្ញាអូស្ត្រាលី) បានឃើញ Fan ខ្មែរជេរគាត់ គាត់បានយំនៅនឹងមុខខ្ញុំ ហេតុអីអ្នកគាំទ្រ ធ្វើបែបហ្នឹង"។ រឿន ណាត បញ្ជាក់ថា ភ្លាមៗ នាងក៏យំតាមមិត្តអូស្ត្រាលីរបស់នាងដែរ ព្រោះតែការអាណិត ត្បិតមិត្តរបស់នាង ពិតមិនបានធ្វើអ្វីខុសចំពោះនាងសោះឡើយ។
“គាត់យំ ហើយបានមកសុំទោសខ្ញុំ ទាំងដែលគាត់អត់បានធ្វើខុសផងហ្នឹង...ខ្ញុំយំអាណិតគាត់...អីចឹងខ្ញុំស្នើ Fan ខ្មែរ ឈប់យល់ច្រឡំចំពោះគាត់តទៅទៀត ព្រោះក្នុងចំណោមបេក្ខនារីទាំង មានតែកាត់ និងបវរកញ្ញាអាមេរិកប៉ុណ្ណោះ ដែលស្រឡាញ់ខ្ញុំខ្លាំងជាងគេ ទៅណា ពួកគាត់តែងតែអូសដៃខ្ញុំទៅជាមួយ កុំយល់ច្រឡំលើគាត់អី!”។
រំលឹករឿងការអធិប្បាយរបស់បេក្ខនារីអូស្ត្រាលី អំពី រឿន ណាត នោះ សាមីខ្លួនដែលជាបេក្ខនារីតំណាងកម្ពុជា បានឲ្យដឹងថា នាង(បវរកញ្ញាអូស្ត្រាលី) គ្រាន់តែឆ្លើយតបនឹងសំណួរដែលថា អំពីការប្រើប្រាស់ភាសាអង់គ្លេសក្នុងចំណោមបេក្ខនារីទាំងអស់ប៉ុណ្ណោះ ក្នុងនោះមិត្តអូស្ត្រាលី បានលើកឧទាហរណ៍អំពី រឿន ណាត និងវៀតណាម ដែលហាក់ឯកា ដោយសារតែមិនអាចទំនាក់ទំនងជាភាសាអង់គ្លេសទៅអ្នកផ្សេងបានល្អប៉ុណ្ណោះ។
រឿន ណាត សង្កត់ថា ការលើកឡើងរបស់មិត្តនារីអូស្ត្រាលីរបស់នាង គឺគ្រាន់តែក្នុងន័យអាណិតនាងប៉ុណ្ណោះ។ "ដូចគាត់និយាយអីចឹង ខ្ញុំឯកា ឯកាមែនព្រោះខ្ញុំចង់និយាយទៅកាន់គេ តែនិយាយមិនកើត ហើយពេលគាត់និយាយនោះ គឺខ្ញុំនៅមុខគាត់ហ្នឹង អីចឹង...សូមអ្នកគាំទ្រទាំងអស់គ្នា ឈប់មានការយល់ច្រឡំចំពោះគាត់តទៅទៀត..."
បេក្ខនារីកម្ពុជាបញ្ជាក់ថា ពេលនេះមិត្តនារីអូស្ត្រាលី ហាក់លែងសូវហ៊ានមានទំនាក់ទំនងជាមួយនាងទៀតហើយ ព្រោះតែមិត្តនាង មានអារម្មណ៍ខ្លាចខុសចំពោះអ្នកគាំទ្ររបស់នាង។ " នាងខ្ញុំ សូមបងប្អូនលុបវីដេអូទាំងនោះចេញ ព្រោះខ្ញុំមិនចង់ឲ្យដែលស្រឡាញ់យើង បែរទទួលការខកចិត្តអីចឹងទេ...ព្រោះដូចខ្ញុំនិយាយអីចឹង មានតែគាត់ប៉ុណ្ណោះដែលស្រឡាញ់ខ្ញុំជាងគេ!”។
រឿន ណាត និងបេក្ខនារីតំណាងប្រទេសផ្សេងទៀត កំពុងស្ថិតនៅប្រទេសថៃ ចូលរួមប្រកួតប្រជែង Miss Univers ២០១៨។ ណាត បញ្ជាក់ថា នៅពេលនេះ រឿងអ្នកគាំទ្រខ្មែរជេរបេក្ខនារីអូស្ត្រាលី បាន និងកំពុងត្រូវគេលើកយកមកនិយាយក្ដៅគគុកក្នុងកម្មវិធី៕