- 2018-12-14 06:36:11
- ព័ត៌មាន
អឹម ជីវ៉ា រៀបរាប់ពីហេតុការណ៍គ្រោះថ្នាក់ចរាចរណ៍យប់មិញ បណ្ដាលឲ្យស្លាប់តៃកុងម្នាក់
- 2018-12-14 06:36:11
- ចំនួនមតិ 0 | ចំនួនចែករំលែក 0
អឹម ជីវ៉ា រៀបរាប់ពីហេតុការណ៍គ្រោះថ្នាក់ចរាចរណ៍យប់មិញ បណ្ដាលឲ្យស្លាប់តៃកុងម្នាក់
ចន្លោះមិនឃើញ
កាលពីយប់មិញនេះ ពេលធ្វើដំណើរទៅចូលរួមបុណ្យសមុទ្រ ឡានរបស់លោក អឹម ជីវ៉ា មានបញ្ហាខូចតាមផ្លូវ នៅម្ដុំអណ្ដូងទឹក ក្នុងខេត្តកោះកុង ធ្វើឲ្យលោកសម្រេចជួលឡានអូសមកភ្នំពេញវិញ។ លោក បញ្ជាក់ថា បានជិះរថយន្តផ្សេងមួយទៀតទាំងយប់ ធ្វើដំណើរមកកោះកុង ហើយឲ្យតម្លៃឈ្នួល សម្រាប់អូសរថយន្តខូចមកភ្នំពេញ ចំនួន ១៥០ដុល្លារ និង២០ ដុល្លារ ទៀត សម្រាប់តៃកុងឡាន។
តែចៃដន្យ ពេលកំពុងអូសរថយន្តពីកន្លែងកើតហេតុមកភ្នំពេញវិញ ជួបគ្រោះថ្នាក់ចរាចរណ៍ ក្រឡាប់រថយន្ត នៅស្រែអំបិល បណ្ដាលឲ្យតៃកុងឡាននោះស្លាប់ យ៉ាងអាណោចអាធ័ម។ នេះបើតាមការ បញ្ជាក់ ពីលោក អឹម ជីវ៉ា រៀបរាប់លម្អិតពីរឿងរ៉ាវ គ្រោះថ្នាក់ចរាចរណ៍ កាលពីយប់មិញ។
លោក អឹម ជីវ៉ា មានអារម្មណ៍សោកស្ដាយ និងនៅភ័យរន្ធត់នៅឡើយ ចំពោះហេតុការណ៍នេះ ហើយលោក មិនមែនជាជនបង្ក គ្រោះថ្នាក់ចរាចរណ៍នេះឡើយ។
បើតាមការចុះផ្សាយរបស់ TV FB ឲ្យដឹងថា កាលពីវេលាម៉ោង៣និង៣០នាទីទៀបភ្លឺ ឈានចូលថ្ងៃព្រហស្បតិ៍ ទី១៤ ខែធ្នូ ឆ្នាំ២០១៨ មានករណីគ្រោះថ្នាក់ចរាចរណ៍ រថយន្តពីរគ្រឿងសណ្ដោងអូសគ្នា ស្រាប់តែបើកធ្លាក់ផ្លូវ បណ្ដាលឲ្យក្រឡាប់មួយគ្រឿង នៅលើផ្លូវជាតិលេខ៤៨ ចន្លោះបង្គោលគីឡូលេខ ២២-២៣ ស្ថិតក្នុងភូមិជីខ ឃុំជីខលើ ស្រុកស្រែអំបិល ខេត្តកោះកុង។
រថយន្តទី១ ម៉ាក LEXUS ពាក់ស្លាកលេខភ្នំពេញ 2H-9069 ពណ៌ខ្មៅ និងរថយន្តទី២ ម៉ាកLEXUS ពណ៌ទឹកមាស ពាក់ស្លាកលេខភ្នំពេញ 2AP-9487 បានសណ្ដោងអូសគ្នាពីកោះកុង ទៅភ្នំពេញ ពេលមកដល់ចំណុចខាងលើ ស្រាប់តែរថយន្តទាំងពីរបានធ្លាក់ថ្នល់ បណ្ដាលឲ្យក្រឡាប់ ១គ្រឿង ពណ៌ទឹកមាស ស្លាប់បុរសម្នាក់ ឈ្មោះ ញន ប្រុស អាយុ ៤៩ឆ្នាំ ជនជាតិខ្មែរ មានទីលំនៅភូមិ៤ ក្រុងខេមរភូមិន្ទ ខេត្តកោះកុង (អ្នកបើកបររថយន្តទឹកមាស) រីឯអ្នកបើកបររថយន្ត ពណ៌ខ្មៅ គេចខ្លួនបាត់ ។
ក្រោយកើតហេតុសមត្ថកិច្ច បានចុះវាស់វែង និងស្ទូចយករថយន្តទាំងពីរគ្រឿង ទៅរក្សាទុកនៅអធិការដ្ឋានស្រុកស្រែអំបិល ដើម្បីរង់ចាំដោះស្រាយពេលក្រោយ៕
