- 2018-12-17 03:16:21
- ព័ត៌មាន
ថ្លែងជាមួយសារព័ត៌មាន សូដា នីតា ប្រកែកដាច់អហង្ការរឿងស្នេហ៍ជាមួយ យ៉ែម សំអូន
- 2018-12-17 03:16:21
- ចំនួនមតិ 0 | ចំនួនចែករំលែក 0
ថ្លែងជាមួយសារព័ត៌មាន សូដា នីតា ប្រកែកដាច់អហង្ការរឿងស្នេហ៍ជាមួយ យ៉ែម សំអូន
ចន្លោះមិនឃើញ
នៅពេលនេះ សូដា នីតា បានចេញមកប្រតិកម្មដោយប្រកែកដាច់អហង្ការពីទំនាក់ទំនងស្នេហ៍ជាមួយមេកើយរបស់ខ្លួនក្នុងក្រុម Dara Entertainment គឺលោក យ៉ែម សំអូន ដែលច្រើនឆ្នាំមកហើយ ល្បីថា ពួកគេគឺជាគូស្នេហ៍រស់នៅក្រោមដំបូលផ្ទះតែមួយ។
នៅក្នុងការអធិប្បាយថ្មីជាមួយ Sabayនីតា បញ្ជាក់ថា រវាងនាង និងពោះម៉ាយ យ៉ែម សំអូន មានទំនាក់ទំនងគ្នាត្រឹមជាងបងប្អូន មិនមានអ្វីលើសពីនេះនោះទេ។ ការលើកឡើងនេះ គឺបានទាត់ចោលរាល់ព័ត៌មានកន្លងមកដែលតែងតែចាប់ផ្គូពួកគេទាំងពីរថាជាគូស្នេហ៍នឹងគ្នា។ ដូច្នេះហើយ នាង សូមស្នើបញ្ឈប់យកនាង ទៅភ្ជាប់ជាមួយនឹងមេកើយរូបនេះបន្តទៀតក្នុងទំនាក់ទំនងលើសពីធម្មតា។
“ជារឿយៗ ឲ្យតែសរសេរពីខ្ញុំ តែងតែភ្ជាប់ទៅជាមួយបង យ៉ែម សំអូន។ ដូច្នេះបើអាច ខ្ញុំសុំចិត្តបងៗអ្នកសារព័ត៌មាន ឈប់សរសេរបែបនោះ ព្រោះខ្ញុំ និងបងអូន ត្រឹមជាមិត្តភ័ក្ដិ និងបងប្អូនប៉ុណ្ណោះ!”។ សូដា នីតា បានបន្ទោសថា រឿងរ៉ាវកន្លងមក គឺមកពីសារព័ត៌មាន ដែលតែងតែចាប់ផ្គូពួកនាង ទាំងដែលសាមីខ្លួននាងផ្ទាល់ មិនបានមានរឿងដូចដែល ត្រូវបានលើកឡើងនោះឡើយ។
នៅគ្រាកន្លងមក សូដា នីតា និង យ៉ែម សំអូន ជារឿយ រមែងបង្ហាញរូបភាពផ្អែមល្ហែម និងស្និទ្ធស្នាលគ្នា ទន្ទឹមនឹងព័ត៌មានចចាមអារ៉ាម ថាពួកគេមានទំនាក់ទំនងលើពីមិត្ត។ យ៉ាងណានាពេលនេះ នីតា បានលាងជម្រះមន្ទិលទាំងឡាយហើយ ហើយថា ពួកនាងកាន់តែខ្លាចក្នុងការបង្ហាញពីទំនាក់ទំនងជិតស្និទ្ធ ដោយសារតែព័ត៌មានចាប់ផ្គូកន្លងមកនោះ។
"និយាយទៅ ដោយសារតែព័ត៌មានចេះតែសរសេរអីចេះ សរសេរអីចុះ រាល់ថ្ងៃពួកខ្ញុំ លែងហ៊ានដើរជាមួយគ្នាហើយ...កាលពីមុន ពេលចប់ការងារអី គ្រាន់ទៅញុំាអីជាមួយគ្នាខ្លះ ដល់ឥឡូវហ៊ានសោះតែម្ដង។ និយាយរួម ពួកខ្ញុំដើរជាមួយគ្នា តែរឿងការងារ ក្រៅពីការងារ ពួកខ្ញុំលែងហ៊ានដើរហើយ"។
ជាថ្មីម្ដងទៀត នាងសង្កត់ធ្ងន់ថា ជាមួយ យ៉ែម សំអូន ពួកនាង គ្រាន់តែមិត្តរួមការងារ រួមអាជីព និងជាបងប្អូនប៉ុណ្ណោះ។ ដូច្នេះសូមកុំភ្ជាប់ពួកនាង ក្នុងរឿងស្នេហាបន្តទៀត៕
