- 2018-12-21 02:26:06
- ព័ត៌មាន
តារាកំប្លែងជើងចាស់ សានម៉ៅ កំពុងសង្គ្រោះបន្ទាន់នៅមន្ទីរពេទ្យកាល់ម៉ែត្រ
- 2018-12-21 02:26:06
- ចំនួនមតិ 0 | ចំនួនចែករំលែក 0
តារាកំប្លែងជើងចាស់ សានម៉ៅ កំពុងសង្គ្រោះបន្ទាន់នៅមន្ទីរពេទ្យកាល់ម៉ែត្រ
ចន្លោះមិនឃើញ
តាមព័ត៌មានដែលទទួលបានព្រឹកនេះ បានឲ្យដឹងថា តារាកំប្លែងជើងចាស់នាយ សានម៉ៅ បាន និងកំពុងសង្គ្រោះបន្ទាន់នៅមន្ទីរកាល់ម៉ែត្រ។ នេះបើតាមលោក ហេង ឡុង បញ្ជាក់។
លោក សានម៉ៅ ត្រូវបានគេឃើញគេសម្រាកនៅគ្រែពេទ្យក្នុងស្ថានភាពសង្គ្រោះបន្ទាន់ដោយមាន ឧបករណ៍ជំនួយការការដកដង្ហើមផង។ ស្ថានភាពនោះ គេបានឃើញអ្នកនាង ចន ច័ន្ទលក្ខិណា ប្រធានសមាគមសិល្បករខ្មែរ ក៏បានយកអំណោយជាថវិកាមួយចំនួនទៅប្រគល់ជូនក្រុមគ្រួសារដើម្បីដោះស្រាយលើការព្យាបាលផង។
យ៉ាងណា មិនទាន់មានរបាយការណ៍ថា មានជំងឺអ្វីពិតប្រាកដដែលឈានទៅដល់ក្រុមគ្រួសារដឹកយកទៅសង្គ្រោះបន្ទាន់ដូច្នេះឡើយ។ ប៉ុន្តែកន្លងមក គេដឹងថា សមាជិកក្រុមកំប្លែងនាយ កុយ រូបនេះ មានជំងឺទឹកដក់ក្នុងសួត បេះដូង និងជំងឺទឹកនោមផ្អែមផង។ជាក់ស្ដែងជំងឺទាំងប៉ុន្មានមុខខាងលើ ក៏ធ្លាប់បានរុករានតារាកំប្លែងរហូតដល់ក្រុមគ្រួសារដឹកយកទៅសង្គ្រោះបន្ទាន់នៅមន្ទីរពេទ្យម្ដងរួចមកហើយកាលពីដើមឆ្នាំ ២០១៨។
នាយ សាន ម៉ៅ មិនមែនជាសិល្បករជើងចាស់តែម្នាក់ទេ ដែលកំពុងរួមរឹតដោយជំងឺធ្វើឲ្យរាងកាយទ្រុឌទ្រោមខ្លាំង។ សិល្បករជើងចាស់២រូបទៀត គឺលោក ប្រាក់ សារួន តារាកំប្លែងនាយ ក្ដិប ក៏ស្ថិតក្នុងស្ថានភាពគួរឲ្យបារម្ភដូចគ្នា៕