- 2018-12-22 06:45:00
- ព័ត៌មាន
អុញនោះ! Justin Bieber សារភាពថាមានទំនាក់ទំនងស្នេហាជាមួយ Jaden Smith?
- 2018-12-22 06:45:00
- ចំនួនមតិ 0 | ចំនួនចែករំលែក 0
អុញនោះ! Justin Bieber សារភាពថាមានទំនាក់ទំនងស្នេហាជាមួយ Jaden Smith?
ចន្លោះមិនឃើញ
កាលពីខែវិច្ឆិកាកូនប្រុសរបស់តារាល្បីប្រចាំហូលីវូដ Will Smith គឺតារាសម្ដែងនិងចម្រៀងវ័យក្មេង Jaden Smith បានធ្វើឲ្យពិភពលោកមានភាពភ្ញាក់ផ្អើលយ៉ាងខ្លាំង ដោយបញ្ជាក់ថាខ្លួនស្រលាញ់ប្រុសដូចគ្នានិងមានតារារ៉េប Tyler, the Creator ជាសង្សាររបស់គេ។ ប៉ុន្តែការនិយាយបែបនេះបានធ្វើឲ្យមនុស្សជាច្រើនគិតថាគ្រាន់តែជាការលេងសើចតែប៉ុណ្ណោះ។
ទើបតែក្រោយមក Jaden ក៏បានបញ្ជាក់ម្ដងទៀតនៅក្នុងកម្មវិធីវិទ្យុ Apple Music's Beat 1 Radio ថាខ្លួនពិតជានិយាយការពិតមែនមិនមែនលេងសើចនោះទេ។ ស្រាប់តែថ្មីៗនេះ Justin Bieber ក៏បានបញ្ចេញមតិនៅលើបណ្ដាញសង្គម Instagram ថា "ហ្អាក! ខ្ញុំស្មានតែខ្ញុំជាសង្សាររបស់អ្នក" ហើយ Jaden ឆ្លើយតបថា "ខ្ញុំដឹងតើ ថាអ្នកជាសង្សាររបស់ខ្ញុំ"។
តារាចម្រៀង Justin Bieber ទើបតែរៀបការជាមួយ Hailey Baldwin កាលពីខែកញ្ញាកន្លងមកនេះ ដូច្នេះហើយទើបបានជា Comment របស់ Justin នេះធ្វើឲ្យមនុស្សជាច្រើនសង្ស័យ។ ទោះជាយ៉ាងណាក៏ដោយ មនុស្សភាគច្រើនគិតថានេះគឺជាមតិលេងសើចលក្ខណៈជាមិត្តជិតស្និទ្ធតែប៉ុណ្ណោះ៕