- 2018-12-27 08:22:30
- ព័ត៌មាន
ទីបំផុត ចេញលទ្ធផលបឋមពីជំនួបដោះស្រាយគ្នារវាងភាគី បូព្រឹក្ស និងអ្នកបង្កព្រឹកមិញហើយ
- 2018-12-27 08:22:30
- ចំនួនមតិ 0 | ចំនួនចែករំលែក 0
ទីបំផុត ចេញលទ្ធផលបឋមពីជំនួបដោះស្រាយគ្នារវាងភាគី បូព្រឹក្ស និងអ្នកបង្កព្រឹកមិញហើយ
ចន្លោះមិនឃើញ
យន្តការឈានទៅដល់ដំណោះស្រាយជម្លោះរវាង ទេព បូព្រឹក្ស និងជនបង្ក លើករណីតារាចម្រៀងរងការប្រមាថកាលពីយប់ថ្ងៃ ២៥ ធ្នូ នោះ បានចាប់ផ្ដើមតាំងពីថ្ងៃម្សិលមិញ និងបន្តរហូតមកដល់រសៀលថ្ងៃនេះប៉ុណ្ណោះ ដោយចេញលទ្ធផលជំហានដំបូងហើយ។
តាមលោក ហេង ឡុង ប្រធានសមាគមសិល្បៈស្ម័គ្រចិត្ត និងជាអ្នកសម្របសម្រួលជំនួបដោះស្រាយគ្នានៅព្រឹកមិញនេះ បានឲ្យដឹងថា ក្រោយចរចាភាគីបង្កឈ្មោះ ឆេង រស្មី បានសារភាពថា ខ្លួនបានរងឥទ្ធិពលនៃគ្រឿងស្រវឹង មុនពេលធ្វើសកម្មភាព ជះ និងគប់កំប៉ុងស្រាបៀទៅលើ ទេព បូព្រឹក្ស។
យ៉ាងណាក៏ដោយ មិនមានរបាយការណ៍ឆ្លើយតបទៅនឹងចម្លើយរបស់ភាគីម្ខាងទៀតនេះ យ៉ាងណានោះទេ ប៉ុន្តែអ្នកសម្របសម្រួល បញ្ជាក់ថា ភាគី ទេព បូព្រឹក្ស បានទាមទារ៣លក្ខខណ្ឌគឺ ទី១ តម្រូវឲ្យភាគីបង្កធ្វើសន្និសីទសារព័ត៌មានសុំទោសនាងជាសាធារណៈ។ យ៉ាងណា នេះមិនមានពាក់ព័ន្ធនឹងបណ្ដឹងរដ្ឋប្បវេណីដែលនាងប្ដឹងតាំងពីម្សិលមិញទាមទារសំណង ១០ម៉ឺនដុល្លារ ដែលជាលក្ខខណ្ឌទី២នោះទេ។
ដោយឡែកទី៣ គឺតម្រូវឲ្យធ្វើកិច្ចសន្យាចំពោះមុខអាជ្ញាធរ មិនឲ្យមានគំនុំគុំគួនសងសឹកគ្នានោះទេ។ ទាំង៣នាក់លក្ខខណ្ឌដែលត្រូវស្នើឡើងដោយភាគីតារាចម្រៀង មិនទាន់មានការឆ្លើយតបនោះទេ។ លោក ហេង ឡុង បញ្ជាក់ថា ភាគីជនបង្កសុំដកឃ្លាទៅពិចារណាសិន។ កាលបរិច្ឆេទ ភាគីទាំងពីរនឹងត្រូវមកជួបដោះស្រាយគ្នាបន្ត នៅមិនទាន់ប្រកាសជាផ្លូវការនោះទេ៕