- 2018-12-31 05:08:28
- ព័ត៌មាន
បទនិពន្ធថ្មី ១០បទល្អបំផុតពី «ស្នាដៃកូនខ្មែរសម្រាប់មាស សុខសោភា» ចេញម្តងមួយៗហើយ
- 2018-12-31 05:08:28
- ចំនួនមតិ 0 | ចំនួនចែករំលែក 0
បទនិពន្ធថ្មី ១០បទល្អបំផុតពី «ស្នាដៃកូនខ្មែរសម្រាប់មាស សុខសោភា» ចេញម្តងមួយៗហើយ
ចន្លោះមិនឃើញ
កាលពីល្ងាចថ្ងៃទី ២៩ ធ្នូ កន្លងទៅនេះ តារាចម្រៀង មាស សុខសោភាបានលើកគ្នាមួយក្រុមធំឡើងឆាកកម្មវិធី រាត្រីកំសាន្តនៃស្ថានីយទូរទស្សន៍ CTN ដែលពួកគេទាំងនោះគឺជាបេក្ខជន ១០រូបចុងក្រោយនៃកម្មវិធីថ្មីមួយដែលបង្កើតឡើងដោយកញ្ញាផ្ទាល់ ឈ្មោះថា "ស្នាដៃកូនខ្មែរសម្រាប់មាស សុខសោភា”។
ក្នុងកិច្ចសម្ភាសន៍នាឱកាសនោះ កញ្ញា មាស សុខសោភា បានបញ្ជាក់ថា នេះជាកម្មវិធីប្រកួតប្រជែងស្នាដៃតែងនិពន្ធដែលកញ្ញាដឹកនាំបង្កើតឡើងជាមួយក្រុមការងារផ្ទាល់ខ្លួនរបស់កញ្ញា ដោយមានការសហការឧបត្ថម្ភដោយ ទឹកភេសជ្ជៈជំនួយសម្រស់ និងសុខភាព OLATTE ហើយមកដល់ពេលនេះកម្មវិធីបានរកឃើញបទចម្រៀង ១០បទដែលល្អបំផុតហើយ ក្នុងចំណោម ២០០បទដែលទទួលបានពីបេក្ខជនកូនខ្មែរ។
បទចម្រៀងថ្មីចម្រាញ់យកមកទាំង ១០បទកំពុងតែបង្ហាញជូនទស្សនិកជនម្តងមួយៗ តាមរយៈទូរទស្សន៍ CTN ជារៀងរាល់ថ្ងៃចន្ទ ដល់សុក្រ ដែលចាក់ផ្សាយចំនួនពីរលើកក្នុងមួយថ្ងៃ។ លើកទី១ នៅម៉ោង ៦:៥០ - ៧ និងលើកទី២ ម៉ោង ២២ – ២២:១០ ហើយក៏មានការបង្ហោះសាជាថ្មី នៅហ្វេសប៊ុករបស់កញ្ញា MeasSoksopheaOfficial ក៏ដូចជាហ្វេសប៊ុកផេក នៃកម្មវិធីដែរ ស្នាដៃកូនខ្មែរ។
«គោលបំណង ៣សំខាន់ក្នុងការបង្កើតកម្មវិធីនេះឡើង គឺ ទី១ ដើម្បីគាំទ្រស្នាដៃតែងនិពន្ធថ្មី លើកទឹកចិត្ត និងផ្តល់ឱកាសឲ្យអ្នកនិពន្ធខ្មែរ, ទី២ គឺចង់បង្ហាញថាកូនខ្មែរអាចធ្វើបាន ទាំងការដឹកនាំកម្មវិធីថ្មីដែលមិនទិញពីគេ និងការតែងនិពន្ធបទថ្មីដែលមិនចម្លងពីបរទេស ,ទី៣ គឺការបង្កើត និងស្វែងរកចំណីអារម្មណ៍ប្លែកថ្មីមួយទៀតសម្រាប់ទស្សនិកជនខ្មែរយើង»។ កញ្ញាបញ្ជាក់។
ដោយហេតុថាកម្មវិធីនេះ វាកម្មវិធីថ្មី ដូច្នេះកញ្ញា និងក្រុមការងារពិតជាមានផលលំបាកជាច្រើន ដោយកញ្ញាពោលពាក្យមួយឃ្លាថា"ការគិតថាស្រួល តែដល់ធ្វើគឺពិបាក" ហើយកញ្ញាក៏អរគុណជាខ្លាំងដល់ OLATTE ដែលបានគាំទ្រកម្មវិធីនេះ សង្ឃឹមថាកម្មវិធី និងទទួលបានការគាំទ្រពីទស្សនិកជនក្នុងការបោះឆ្នោតគាំទ្របេក្ខជននៅវគ្គបន្ទាប់ និងការចូលរួមចំនែករិះគន់ដើម្បីស្ថាបនាទៅលើកំហុសដោយអចេតនាណាមួយរបស់កម្មវិធី៕
តោះ! មើលកិច្ចសម្ភាសន៍កញ្ញា មាស សុខសោភា និងបេក្ខជនខ្លាំងទាំង ១០ ពីការប្រកួត «ស្នាដៃកូនខ្មែរ» ក្នុងកម្មវិធី ត្រីកំសាន្តរបស់ CTN ៖