- 2019-01-02 04:10:00
- ស្ទីលតារា
តារាម៉ូដែលស្រីទាំង៩រូប ដែលនឹងលេចធ្លោខ្លាំងនៅឆ្នាំ ២០១៩
- 2019-01-02 04:10:00
- ចំនួនមតិ 0 | ចំនួនចែករំលែក 0
តារាម៉ូដែលស្រីទាំង៩រូប ដែលនឹងលេចធ្លោខ្លាំងនៅឆ្នាំ ២០១៩
ចន្លោះមិនឃើញ
ចំពោះវិស័យសិល្បៈម៉ូដែលកម្ពុជា បច្ចុប្បន្ននេះគឺនៅមានកម្រិតនៅឡើយ ក៏ប៉ុន្តែបើប្រៀបធៀបនឹងឆ្នាំមុនៗគឺសន្ទុះនៃការកើនឡើងនៃតារាម៉ូដែលនិងការងារផ្សេងៗពាក់ព័ន្ធនឹងវិស័យនេះគឺកើនឡើងក្នុងកម្រិតមួយគួរឲ្យកត់សម្គាល់។ ជាក់ស្ដែងកម្មវិធីផ្សេងៗពាក់ព័ន្ធនឹងការដើរម៉ូដគឺកាន់តែមានច្រើនដូចជា Phnom Penh Desingers Week ប្រចាំឆ្នាំ និងព្រមទាំងកម្មវិធីផ្សេងៗទៀតជាដើម។
ដើម្បីឲ្យវិស័យនេះរីកចម្រើន ធនធានសំខាន់បំផុតគឺតារាម៉ូដែលតែម្ដង។ ថ្ងៃនេះ សប្បាយនឹងណែនាំនូវ តារាម៉ូដែលនារីស្រស់ស្អាតចំនួន៨រូប ដែលនឹងលេចធ្លោខ្លាំងនៅឆ្នាំ ២០១៩នេះ។
១. នៅ គីមមួយ
គីមមួយ ជាតារាម៉ូដែលមួយរូបដែលបានបង្ហាញខ្លួននៅបដាផ្សាយផលិតផលជាច្រើន ព្រមទាំងតែងតែបង្ហាញខ្លួនលើឆាក Runway ជាញឹកញាប់ផងដែរ ជាមួយនឹងរូបរាងស្រស់ស្អាត ព្រមទាំងពូកែខាងថ្វីមាត់ផងនោះ គីមមួយ នឹងកាន់តែលេចធ្លោនៅឆ្នាំ ២០១៩នេះ។
២. កែវ ច័ន្ទសូនីន
តារាម៉ូដែលរូបនេះ បានបង្ហាញខ្លួនជាច្រើនដងនៅលើក្របរបស់ទស្សនាវដ្ដីល្បីៗក្នុងស្រុក មិនត្រឹមតែប៉ុណ្ណោះ សូនីន ក៏បានជួបសម្ភាសន៍ជាមួយសប្បាយថ្មីៗកន្លងទៅនេះផងដែរ។ ជាមួយនឹងកម្ពស់អំណោយផលព្រមទាំងសម្រស់ស្អាតប្លែក សូនីន នឹងបង្ហាញខ្លួនជាមួយគម្រោងថ្មីៗជាច្រើននៅឆ្នាំថ្មីនេះ។
៣. Marianne Clais
តារាម៉ូដែលខ្មែរកាត់បារាំង Marianne ជាម៉ូដែលមួយរូបដែលមានសម្រស់ស្អាត ព្រមទាំងលេចធ្លោដែលបានសម្ដែងនៅក្នុងវីដេអូបទចម្រៀង "អូនសាសន៍អី?” ផងដែរ។ ឆ្នាំ ២០១៩ នេះ Marianne ប្រាកដជាធ្វើឲ្យអ្នកស្រលាញ់ពេញចិត្តវិស័យម៉ូដែលទាំងអស់ ភ្ញាក់ផ្អើលនឹងគម្រោងថ្មីៗ។
៤. នេត រក្សា
នេត រក្សា ជាតារាម៉ូដែលថ្មីមួយរូប ដែលមានទេពកោសល្យនិងមហិច្ឆតាខ្ពស់មិនធម្មតា។ ទោះបីជានៅសិក្សាត្រឹមថ្នាក់វិទ្យាល័យក៏ពិតមែន ក៏រក្សាតែងតែធ្វើឲ្យអ្នកគ្រប់គ្នាភ្ញាក់ផ្អើលនូវស្ទីលថតរូបនិងសម្រស់របស់នាង។ ក្នុងឆ្នាំ ២០១៩ តារាម៉ូដែលវ័យ១៨ឆ្នាំនេះ នឹងចូលរួមក្នុងគម្រោងមួយដែលមានលក្ខណៈសំងាត់ ប៉ុន្តែនឹងធ្វើនាងកាន់តែល្បីខ្លាំងពេលគម្រោងនេះបញ្ចេញ។
៥. Mélia Constantin
Mélia ក៏ជាតារាម៉ូដែលសញ្ជាតិខ្មែរកាត់បារាំងដូចគ្នា ហើយមានសម្រស់ស្រស់ស្អាតខ្លាំង។ បើមើលតាមរូបភាពទាំងនេះ យើងប្រាកដជាស្មានដឹងហើយថាឆ្នាំ ២០១៩ គឺជាឆ្នាំដែល Mélia ឈានមកដល់ចំណុចថ្មីមួយកម្រិតទៀត។
៦. Srey Ly
Srey Ly មិនត្រឹមតែជាតារាម៉ូដែលមានរូបរាងស្រស់ស្អាតប៉ុណ្ណោះទេ ប៉ុន្តែនាងក៏ជាម៉ូដែលម្នាក់ដែលមានចិត្តល្អចេះជួយសង្គមទៀតផង។ ក្រៅពីជាអាជីពជាម៉ូដែល Srey Ly តែងតែចំណាយពេលនៅ Gym ដើម្បីធ្វើឲ្យនាងមានរូបរាងកាន់តែស្រស់ស្អាត។
៧. គង ស្រីពៅ
ស្រីពៅ មិនត្រឹមតែជាតារាម៉ូដែលមានទេពកោសល្យប៉ុណ្ណោះទេ នាងក៏ជាតារាសម្ដែងមួយរូបផងដែរ ដែលទើបនឹងបានសម្ដែងជាតួឯកក្នុងរឿង "កូនអើយ ម្ដាយខ្មោច"។ ឆ្នាំ ២០១៩នេះ ស្រីពៅ ឬ (Roza) ដែលជាម្ចាស់ពាន Khmer Supermodel លេខ១ឆ្នាំ ២០១៦ នឹងធ្វើឲ្យពិភពម៉ូដែលនេះកាន់តែមានគេចាប់អារម្មណ៍កាន់តែខ្លាំង។
៨. ហង្ស សុរិយាន់
សុរិយាន់ ទទួលបានចំណាត់ថ្នាក់លេខ៤ក្នុងកម្មវិធី Cambodia's Next Top Model ហើយពេលនេះនាងកំពុងតែមមាញឹកក្នុងវិស័យសិល្បៈយ៉ាងខ្លាំង។ មិនថាជាស្ប៉តផ្សាយពាណិជ្ជកម្ម ឬភាពយន្តផ្សេងៗ សុរិយាន់ គឺជាតារាម៉ូដែលមួយរូបដែលអ្នកគួរតែតាមដាននៅឆ្នាំថ្មីនេះ៕
