- 2019-01-03 08:11:39
- ព័ត៌មាន
D.O ត្រូវបានជ្រើសជា "Most Anticipated Idol” ប្រចាំឆ្នាំ ២០១៩
- 2019-01-03 08:11:39
- ចំនួនមតិ 0 | ចំនួនចែករំលែក 0
D.O ត្រូវបានជ្រើសជា "Most Anticipated Idol” ប្រចាំឆ្នាំ ២០១៩
ចន្លោះមិនឃើញ
សារព័ត៌មានប្រចាំប្រទេសកូរ៉េ TV Report បានបង្ហាញលទ្ធផលលើការជ្រើសរើស និងបោះឆ្នោតចុងក្រោយរបស់ពួកគេចំពោះតំណែងតារារួមចំណែកច្រើនជាងគេ "Most Anticipated Idol” ប្រចាំឆ្នាំ២០១៩នេះ។ ដើម្បីទទួលបានមតិជាច្រើនផ្សេងគ្នាលើការបោះឆ្នោតនេះ ខាងបណ្ដាញអ្នកសារព័ត៌មានចំនួន ១២នាក់ត្រូវបានសហការចូលរួម។ ក្នុងចំណោមអ្នកសារព័ត៌មានទាំង ១២ ការបោះឆ្នោតច្រើនជាងគេមានចំនួន ៤សន្លឹក ដែលចំនួននេះបានទៅលើសមាជិកក្រុម EXO តារាចម្រៀង D.O។
មិនមែនជាមេក្រុមប្រចាំក្រុមចម្រៀង EXO ក៏ពិតមែន ប៉ុន្តែតារាចម្រៀងប្រុសរូបនេះ មានសមត្ថភាព និងទេពកោសល្យលើជំនាញផ្សេងៗជាច្រើនទៀតដែលធ្វើឲ្យលោកកំពុងទទួលបានការចាប់អារម្មណ៍ជាខ្លាំងនាពេលបច្ចុប្បន្ន ជាពិសេសលើវិស័យភាពយន្ត។ ក្រៅពីទទួលបានភាពល្បីល្បាញខ្លាំងសម្រាប់ការសម្ដែងក្នុងខ្សែភាពយន្ត "Along with the Gods”, “100 Days My Prince” និងខ្សែភាពយន្តថ្មី "Swing Kids” តារាចម្រៀង D.O ក៏ទាក់ចិត្តអ្នកគាំទ្ររបស់លោកខ្លាំងចំពោះក្បាច់រាំដ៏ប៉ិនប្រសប់ និងសំឡេងដ៏ក្រអួនក្រអៅផងដែរ។
ខណៈ D.O ជាប់ក្នុងចំណាត់ថ្នាក់លេខ ១ សមាជិកក្រុម ASTRO តារាចម្រៀង Eunwoo ទទួលបានការបោះឆ្នោតចំនួន ២ សន្លឹក និងសមាជិកក្រុមផ្សេងទៀតដូចជា Rowoon សមាជិកក្រុម SF9, Lucas សមាជិកក្រុម NCT, Mina សមាជិកក្រុម Gugudan, Seongwoon សមាជិកក្រុម Wanna One, Jennie សមាជិកក្រុម BLACKPINK និង JooE សមាជិកក្រុម MOMOLAND ក្នុងម្នាក់ៗទទួលបានសន្លឹកឆ្នោតម្នាក់មួយសន្លឹកពីអ្នកសារព័ត៌មាន៕