យប់មិញ តារាសំណព្វចិត្ត៥ដួងធ្វើឲ្យអ្នកគាំទ្រតន្ត្រី Tiger ដ៏អស្ចារ្យពេញចិត្តខ្លាំង

2019-01-06 05:37:27
ស្ទីលតារា

2019-01-06 05:37:27
ចំនួនមតិ 0 | ចំនួនចែករំលែក 0

ចន្លោះមិនឃើញ

រាត្រីទី១នៃកំពូលព្រឹត្តិការណ៍បាល់ទាត់ Tiger Street Football Festival 2019 នៅមណ្ឌលខេត្តព្រះសីហនុបានរៀបចំការប្រគំតន្ត្រីដ៏អស្ចារ្យ Tiger ដែលចូលរួមសម្តែងដោយកំពូលតារាចម្រៀងជាច្រើនរូបពិតជាធ្វើឲ្យគាំទ្រពេញចិត្តយ៉ាងខ្លាំង។

ឆាកតន្ត្រី Tiger ដ៏អស្ចារ្យនៅជាប់នឹងឆ្នេរអូរឈើទាលនៃខេត្តព្រះសីហនុកាលពីយប់មិញពិតជាធ្វើឲ្យអ្នកគាំទ្រសប្បាយរីករាយយ៉ាងខ្លាំងតាមរយៈតារាចម្រៀងសុទ្ធតែសំណព្វចិត្តរបស់អ្នកគាំទ្រ។ បើកឆាកមុខគេកញ្ញារូបស្រស់សោភា បាន មុន្នីល័ក្ខ បន្ទាប់មក ឈិន ម៉ានិច, នី រតនា, សុខ ស្រីនាង និងចុងក្រោយគឺណុប បាយ៉ារិទ្ធ ។

ភាគច្រើននៃការសម្ដែងរបស់កំពូលតារាចម្រៀងទាំង៥នាក់ជូនទស្សនិកជនតាមរយៈបទចម្រៀងញាក់កន្ត្រាក់អារម្មណ៍ក្រោមបរិយាកាសមាត់សមុទ្រត្រជាក់ស្រស់ស្រស់។ ការប្រគំតន្ត្រីខ្នាតយក្សនេះមានអ្នកចូលរួមទស្សនាយ៉ាងច្រើនកុះករពោលគឺពេញខាងមុខឆាកតន្ត្រី និងមានអ្នកគាំទ្រជាច្រើនទៀតឈរនៅតាមសងខាងផ្លូវទស្សនាការសម្ដែងរបស់តារាសំណព្វចិត្តរបស់ពួកគេ។

ដោយឡែកយប់ថ្ងៃអាទិត្យ ទី៦ ខែមករា ដែលជាថ្ងៃចុងក្រោយក៏មានតារាចម្រៀងល្បីៗជួរមុខជាច្រើនរូបទៀតសម្តែងជូនទស្សនាដូចជា បាច់ គីមមួយ, នីកូ, សុគន្ធ នីសា, ពេជ្រ សោភា និង ខេមរៈ សិរីមន្ត ដែលមានការផ្សាយផ្ទាល់ដោយទូរទស្សន៍ រស្មីហង្សមាស។

ចំពោះការប្រកួតវគ្គ៤ក្រុមចុងក្រោយនៅមណ្ឌលព្រះសីហនុចាប់ពីម៉ោង៤រសៀលទៅនឹងផ្សាយផ្ទាល់នៅលើកញ្ចក់ទូរទស្សន៍ហង្សមាស។

បន្ទាប់ពីមណ្ឌលខេត្តព្រះសីហនុចប់ ព្រឹត្តិការណ៍ Tiger Street Football Festival 2019 នឹងធ្វើដំណើរទៅមណ្ឌលទី២គឺខេត្តតាកែវ ថ្ងៃទី១៣ ខែមករា សប្តាហ៍។

សូមទស្សនារូបភាពជាច្រើននៃការសម្តែងលើឆាកអស្ចារ្យកាលពីយប់មិញ