- 2019-01-09 07:59:07
- ជីវិតតារា
បាត់មុខបាត់មាត់យូរ ពេលនេះល្បីថា Will Pan បានរៀបការ និងត្រៀមខ្លួនធ្វើជាឳពុកគេហើយ
- 2019-01-09 07:59:07
- ចំនួនមតិ 0 | ចំនួនចែករំលែក 0
បាត់មុខបាត់មាត់យូរ ពេលនេះល្បីថា Will Pan បានរៀបការ និងត្រៀមខ្លួនធ្វើជាឳពុកគេហើយ
ចន្លោះមិនឃើញ
ក្រោយធ្លាក់ខ្លួនឈឺធ្ងន់ និងតម្រូវឲ្យធ្វើការសម្រាកព្យាបាលជំងឺរលាកសួតកាលពីខែតុលា ឆ្នាំ២០១៧ តារាចម្រៀង Will Pan បាននិយាយថា រយៈពេលសម្រាកក្នុងមន្ទីរពេទ្យបានធ្វើឲ្យលោកចាប់ផ្ដើមគិតឡើងវិញចំពោះគោលដៅជីវិតរបស់លោក។ តារាចម្រៀងរូបនេះ បានប្រាប់អ្នកគាំទ្ររបស់លោកថា លោកនឹងបញ្ឈប់អាជីពជាតារាចម្រៀងក្នុងពេលឆាប់ៗនេះ អាចនឹងនៅដើមឆ្នាំក្រោយ។
ខណៈមហាជនជាច្រើន ចាប់ផ្ដើមសង្ស័យចំពោះហេតុផលពិតប្រាកដពីក្រោយការសម្រេចចិត្តរបស់លោកនេះ មានព័ត៌មានមួយបានបែកធ្លាយថា ម្ចាស់បទ "Be With You" រូបនេះបានរៀបការ និងត្រៀមខ្លួនក្លាយជាឪពុកគេឆាប់ៗនេះ។ ជាមួយគ្នានេះដែរ សាមីខ្លួន និងអ្នកតំណាងឲ្យតារាចម្រៀងរូបនេះផ្ទាល់ បានធ្វើការបដិសេធភ្លាមៗចំពោះព័ត៌មានមួយនោះផងដែរ។ អ្នកតំណាងរបស់លោកបាននិយាយថា៖ "មេរបស់ខ្ញុំផ្ដាំតាមខ្ញុំ ឲ្យអរគុណចំពោះការឈឺឆ្អាលរបស់អ្នកទាំងអស់គ្នា ប៉ុន្តែគាត់មិនទាន់បានរៀបការទេ ហើយក៏គ្មានបានទាក់ទងនរណាម្នាក់ដែរ ហាហា។ គាត់បានទទួលការចាប់អារម្មណ៍ពីអ្នករាល់គ្នា និងនៅតែបន្តខិតខំធ្វើការដដែល"។
ទោះជាយ៉ាងណាក៏ដោយ មហាជនជាច្រើននៅតែជឿជាក់ថា តារាចម្រៀង Will Pan និងភរិយារបស់លោក Luna Xuan ដែលជានារីបម្រើការលើយន្តហោះរបស់ក្រុមហ៊ុនអាកាសចរណ៍ China Eastern Airlines ថ្មីៗនេះ បានចុះសំបុត្រអាពាហ៍ពិពាហ៍ជាមួយគ្នារួចរាល់ហើយនៅក្នុងសហរដ្ឋអាមេរិក។ បើតាមប្រភពជិតស្និទ្ធនឹងគូស្នេហ៍មួយគូនេះ ក៏បានបញ្ជាក់ដែរថា Luna កំពុងពពោះកូនដំបូងរបស់គេផងដែរ៕