/5c373e608d9c8_1547124300_medium.jpg)
- 2019-01-10 12:48:15
- ព័ត៌មាន
ដើមឆ្នាំថ្មី ប៉ែន ចំរុង ស្រាប់តែជួបគ្រោះរហូតដល់រុំបង់បិទភ្នែកម្ខាង
- 2019-01-10 12:48:15
- ចំនួនមតិ 0 | ចំនួនចែករំលែក 0
ដើមឆ្នាំថ្មី ប៉ែន ចំរុង ស្រាប់តែជួបគ្រោះរហូតដល់រុំបង់បិទភ្នែកម្ខាង
ចន្លោះមិនឃើញ
ទើបប្រមាណ១ម៉ោងមុនប៉ុណ្ណោះ ប៉ែន ចំរុង បានបើកបង្ហាញថា លោកបានជួបគ្រោះនៅដើមឆ្នាំថ្មី ដោយបញ្ហាបានកើតនៅលើភ្នែកខាងឆ្វេងរបស់លោក រហូតដល់ត្រូវរត់រកការព្យាបាលបន្ទាន់។
រូបថតមួយសន្លឹក បញ្ចេញនៅលើហ្វេសប៊ុកផ្ទាល់ខ្លួន ក្នុងសភាពជាអ្នកជំងឺ ប៉ែន ចំរុង បានធ្វើឲ្យមិត្តភ័ក្ដិទាំងឡាយរបស់លោក កើតមានក្ដីបារម្ភ។ តារាប្រុស បញ្ជាក់ថា បញ្ហានេះ បានធ្វើឲ្យលោកខកខានការងារមួយចំនួន ដូច្នេះហើយលោកសុំអភ័យទោសចំពោះម្ចាស់កម្មវិធីនានា។ ចំរ៉ុង បញ្ជាក់ថា លោកត្រូវការពេលវេលាមួយរយៈ សម្ងំនៅក្នុងផ្ទះ ដើម្បីសម្រួលដល់ការព្យាបាល តាមវេជ្ជបញ្ជារបស់គ្រូពេទ្យ តមមិនឲ្យត្រូវពន្លឺមួយរយៈ។
ឃើញរូបភាពនេះ ប្រិយមិត្តរបស់លោក បានចោទសួរពីរឿងដែលកើតឡើងនៅលើភ្នែករបស់តារាប្រុស។ យ៉ាងណា ត្រឹមម៉ោង ៧ និង៣០ ព្រលប់ថ្ងៃទី ១០ មករា ២០១៩ នេះ។ ចំរ៉ុង មិនបានផ្ដល់ចម្លើយដើម្បីសម្អាតចិត្តមន្ទិលរបស់ប្រិយមិត្តរបស់លោកនៅឡើយ៕
