- 2019-01-11 03:15:00
- ព័ត៌មាន
ត្រលប់មកកម្ពុជាវិញ រឿន ណាត ទទួលបានគម្រោងការងារសិល្បៈច្រើននឹកស្មានមិនដល់
- 2019-01-11 03:15:00
- ចំនួនមតិ 0 | ចំនួនចែករំលែក 0
ត្រលប់មកកម្ពុជាវិញ រឿន ណាត ទទួលបានគម្រោងការងារសិល្បៈច្រើននឹកស្មានមិនដល់
ចន្លោះមិនឃើញ
បន្ទាប់ពីចូលរួមកម្មវិធីប្រកួតសម្រស់ដ៏ធំជាងគេបំផុតក្នុងលោក បវរកញ្ញាចក្រវាលតំណាងប្រទេសកម្ពុជា កញ្ញា រឿន ណាត កំពុងតែទទួលបានការទាក់ទងនិងមមាញឹកឲ្យប្រឡូកក្នុងវិស័យសិល្បៈជាច្រើននឹកស្មានមិនដល់។
ថ្លែងមកកាន់ Sabay លោក ម៉ែន និមលរតន៍ ប្រធានប្រតិបត្តិ Arise Agency ដែលជាអ្នកទទួលបន្ទុកចាត់ចែងការងាររបស់កញ្ញា រឿន ណាត ផ្ទាល់បានឲ្យដឹងថាកញ្ញាត្រូវបានផលិតកម្មតូចធំជាច្រើនទាក់ទងបន្តកន្ទុយគ្នាឲ្យចូលរួមសម្ដែង។ ចំពោះពេលនេះផ្ទាល់ព័ត៌មានលម្អិតទាក់ទងនឹងការចរចា គឺមិនទាន់សម្រេចច្បាស់នៅឡើយប៉ុន្តែ មានផលិតកម្មធំៗដល់ទៅ៣កំពុងតែចង់ឲ្យកញ្ញា រឿន ណាត ចូលរួមសម្ដែងក្នុងនោះសុទ្ធតែជាតួឯក។
ថ្មីៗនេះ នាងទើបតែបញ្ចប់ការថតរឿងខ្នាតខ្លីមួយ ដែលគ្រោងនឹងបញ្ចេញឆាប់ៗនេះ ដោយព័ត៌មានពាក់ព័ន្ធនឹងរឿងខ្លីគឺកញ្ញាសុំលាក់សិន។ ក្រៅពីនេះកញ្ញាក៏កំពុងតែចូលរួម សាកសម្ដែង (Casting) ជាច្រើន ព្រមទាំងរវល់ការងារពាក់ព័ន្ធនឹងការថតរូបហ្វេសិន និងការហ្វឹកហាត់ធ្វើជាពិធីការនី/Emcee ទៀតផង។
ទោះជាយ៉ាងណាក៏ដោយ រឿន ណាត នៅតែបន្តសកម្មភាពសប្បុរសធម៌ ដែលនាងតែងតែធ្វើជាហូរហែ ដោយគ្រាន់តែថ្មីៗនេះនាងរវល់ការងារសិល្បៈច្រើន។ ចំពោះពេលនេះកញ្ញានៅតែស្វាគមន៍ចំពោះការងារសិល្បៈផ្សេងៗ ពីបណ្ដាក្រុមហ៊ុនដែលចង់ឲ្យកញ្ញាសហការធ្វើការជាមួយ៕
