ចំណុចពិសេសៗគួរឲ្យចាប់អារម្មណ៍ ពីកំពូលរឿងភាគលំដាប់ពិភពលោក "Game Of Thrones” វគ្គបញ្ចប់

2019-01-15 03:00:00
ភាពយន្ត

2019-01-15 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលរឿងភាគ "Game Of Thrones” គឺជារឿងភាគពីប៉ុស្តិ៍ទូរទស្សន៍ HBO ដែលកំពុងតែទទួលបានការគាំទ្រនិងទន្ទឹងរងចាំយ៉ាងអន្ទះសាពីសំណាក់អ្នកគាំទ្រសឹងតែគ្រប់ទីកន្លែងទូទាំងពិភពលោក ទើបតែបញ្ចេញ Teaser Trailer ថ្មីនិងបង្ហើបពីថ្ងៃដែលនឹងដាក់បញ្ចាំង។ ចំពោះរដូវកាលពី៨ ដែលជាវគ្គបញ្ចប់នេះ HBO គ្រោងចាប់ផ្ដើមបញ្ចាំងនៅថ្ងៃទី ១៤ ខែមេសា តទៅ នៅឆ្នាំ ២០១៩។

រដូវកាលទី៨នេះ មានទាំងអស់ចំនួន៦ភាគ ដែលភាគនីមួយគឺមានរយៈពេលយ៉ាងតិចជាងមួយម៉ោង និងប្រៀបដូចជារឿងមួយដាច់ដោយឡែកគឺមានរយៈពេលដល់ទៅ៨០នាទីឯណោះ។ ចំណែកឯតម្លៃសម្រាប់ផលិតភាពយន្តនេះមួយភាគៗ គឺតម្លៃថ្លៃមិនធម្មតា សរុបចំនួន៦វគ្គនេះ HBO ចំណាយមិនតិចជាងខ្ទង់ ៩០ទៅ១០០លានដុល្លារនោះទេ ដែលក្នុងមួយភាគចំណាយអស់យ៉ាងតិច ១៥លានដុល្លារ។ នេះគឺចំនួនទឹកប្រាក់ច្រើនបំផុតដែលចំណាយលើភាពយន្តចាក់ផ្សាយលើទូរទស្សន៍ មិនដែលធ្លាប់ចំណាយច្រើនបែបនេះពីមុនមក។

ជុំវិញការថតភាពយន្តនេះវគ្គចុងក្រោយ តួសំខាន់ៗដូចជា John Snow សម្ដែងដោយ Kit Harington, Sophie Turner, Maisie Williams និង Emilia Clark ជាដើមសុទ្ធតែរំជួលចិត្តក្រោយថតរឿងភាគនេះចប់ ព្រោះសាច់រឿងពិតជាគួរឲ្យស្រណោះស្រណោកសឹងតែមិនអាចទទួលយកបាន។ មិនត្រឹមតែប៉ុណ្ណោះ "Game Of Thrones” កំពុងតែជាប់ឈ្មោះភាពយន្តភាគដែលទទួលបានភាពពេញនិយមខ្លាំងបំផុតក្នុងទសវត្សចុងក្រោយនេះ ប្រហាក់ប្រហែលនឹងភាពយន្តភាគ "Breaking Bad” និង "The Walking Dead” ជាដើម។