- 2019-01-15 03:31:00
- ព័ត៌មាន
ពាក្យពេចន៍លម្អិតរបស់ BamBam ពេលនិយាយដល់រឿងមហាជនរិះគន់ LIsa
- 2019-01-15 03:31:00
- ចំនួនមតិ 0 | ចំនួនចែករំលែក 0
ពាក្យពេចន៍លម្អិតរបស់ BamBam ពេលនិយាយដល់រឿងមហាជនរិះគន់ LIsa
ចន្លោះមិនឃើញ
រម្លឹកកាលពីសប្ដាហ៍មុន មានព័ត៌មានចលាចលពេញពិភព K-Pop ដែលបានបាញ់ប្រហារជាពាក្យពេចន៍មិនសមរម្យដល់តារាចម្រៀងជនជាតិ Lisa សមាជិកក្រុម BLACKPINK បង្ហាញឲ្យឃើញពីការប្រកាន់ជាតិសាសន៍។
ទាក់ទងនឹងបញ្ហានេះ BamBam ដែលជាមិត្តភ័ក្ដិរបស់ Lisa និងក៏ជាសមាជិករបស់ GOT7 បានផ្ដល់បទសម្ភាសមួយកាលពីថ្មីៗនេះ ពេលលោកទៅចូលរួមកម្មវិធីមួយនៅក្នុងប្រទេសថៃ។
អំឡុងពេលផ្ដល់បទសម្ភាស BamBam ក៏ត្រូវអ្នកសារព័ត៌មានចោទសួរ ថាតើលោកបានដឹងព័ត៌មានដែលមនុស្សមួយចំនួននាំគ្នារិះគន់ Lisa ទាក់ទងនឹងរូបរាង និងសញ្ជាតិរបស់នាងទេ?
សមាជិកក្រុម GOT7 រូបនេះបាននិយាយថា៖ "បាទ! ខ្ញុំបានឮព័ត៌មាននោះហើយ! តាមពិតទៅ ខ្ញុំក៏ជាមិត្តភ័ក្ដិរបស់បង Lisa ដែរ អ៊ីចឹងខ្ញុំបានសួរនាំគាត់ និងផ្ដល់ការលើកទឹកចិត្តគាត់រហូត។ និយាយតាមត្រង់ បញ្ហានេះមិនមែនជារឿងធំអីទេ ព្រោះវាចេញពីមនុស្សប៉ុន្មាននាក់ប៉ុណ្ណោះ ប្រហែល ១០នាក់អីហ្នឹង អ៊ីចឹងវាមិនប៉ះពាល់ដល់ផ្លូវចិត្តបង Lisa ខ្លាំងពេកទេ។ ណាមួយគាត់មានមនុស្សជាច្រើននាក់ផ្សេងទៀតស្រឡាញ់ និងគាំទ្រគ្រប់ពេល។ ខ្ញុំរាប់អានបង Lisa តាំងពីមិនទាន់ចូលសិល្បៈ អ៊ីចឹងខ្ញុំស្គាល់គាត់ច្បាស់ណាស់។ គាត់មានទឹកចិត្តល្អ ស្រស់ស្រាយ និងមានចរិតល្អបំផុត។ បើទោះមានអ្នកខ្លះ មិនទាន់ចាប់អារម្មណ៍ នៅថ្ងៃណាមួយ អ្នកនឹងដឹងថា គាត់មានចរិតពីធម្មជាតិបែបណា។ បង Lisa ដឹងពីក្ដីស្រឡាញ់ និងការគាំទ្រពី Fan គាត់ក៏បានសុំខ្ញុំឲ្យនិយាយពាក្យនេះទៅកាន់អ្នកគាំទ្រទាំងអស់របស់គាត់ដែរ ប្រសិនបើខ្ញុំមានឱកាសដូចពេលនេះ។ គាត់ចង់និយាយថា អរគុណដល់អ្នកទាំងអស់គ្នា សម្រាប់ការស្រឡាញ់ និងការគាំទ្រ"។
នៅមិនទាន់អស់ទេ តារាប្រុសវ័យក្មេងរូបនេះ ក៏បានទម្លាយទៀតថា៖ "ខ្ញុំបានប្រាប់គាត់ ថាកុំឲ្យស្ត្រេសពេក ហើយខ្ញុំនឹងប៉ាវគាត់ញ៉ាំអី ពេលខ្ញុំត្រឡប់ទៅកូរ៉េវិញ”។
ជាមួយគ្នានោះ BamBam បានបង្ហើបដែរថា លោកក៏ធ្លាប់ជួបរឿងបែបនេះដែរពីមុន គឺកើតឡើងចំពោះខ្លួនលោកផ្ទាល់។ លោកនិយាយថា លោក ក៏ដូចជាតារាជនជាតិថៃផ្សេងទៀតតែងជួបបទពិសោធន៍ស្រដៀងគ្នានេះ ប៉ុន្តែ BamBam តែងបំភ្លេចចោល និងមិនសូវយកចិត្តទុកដាក់នឹងរឿងទាំងនោះឡើយ៕