- 2019-01-17 02:17:00
- ព័ត៌មាន
អស់ស្ទះ! Victoria Beckham សុទ្ធតែយកឈាមខ្លួនឯង ច្នៃធ្វើជាឡេលាបមុខ
- 2019-01-17 02:17:00
- ចំនួនមតិ 0 | ចំនួនចែករំលែក 0
អស់ស្ទះ! Victoria Beckham សុទ្ធតែយកឈាមខ្លួនឯង ច្នៃធ្វើជាឡេលាបមុខ
ចន្លោះមិនឃើញ
នៅលើ Story នៃគណនី Instagram តារាម៉ូដែល Victoria Beckham បានធ្វើឲ្យអ្នកគាំទ្ររបស់នាងមានការភ្ញាក់ផ្អើល នៅពេលតារាស្រីរូបនេះបានទម្លាយថា នាងបានចំណាយប្រាក់ជាង ១ ៥០០ដុល្លារ ទៅលើការទិញឡេលាបផ្ដល់សំណើមស្បែកមុខ ដែលផ្សំឡើងដោយឈាមរបស់នាងផ្ទាល់។
បើតាមតារាស្រីវ័យ ៤៤ ឆ្នាំរូបនេះ រៀបរាប់ថា ប្រភេទគ្រឿងសម្អាងការពារភាពជ្រីវជ្រួញរបស់នាងដែលបានប្រើប្រាស់នេះ គឺផលិតឡើងដោយវេជ្ជបណ្ឌិត Barbara Sturm ដែលជាគ្រូពេទ្យដ៏ល្បីរបស់សិល្បករ។ តាមរូបភាពដែលបានចែកចាយលើបណ្ដាញសង្គម Victoria បានបញ្ជាក់ថា៖ "សប្ដាហ៍នេះ ខ្ញុំនឹងប្រើប្រាស់ផលិតផលរបស់ Dr. Barbara Sturm។ លោកស្រីបានយកឈាមរបស់ខ្ញុំ ដើម្បីបង្កើតជាកត្តាមួយដែលរក្សាស្បែករបស់ខ្ញុំឲ្យក្មេងជាងវ័យ និងការពារប្រឆាំងនឹងការរលាក ផលិតផលទាំងនោះ ផ្សំឡើងពីកោសិការបស់ខ្ញុំផ្ទាល់"។
ក្រោយប្រើប្រាស់ហើយ តារាស្រីរូបនេះ ក៏បានចែកចាយរូបភាពមួយទៀតរបស់នាង អមដោយការសរសេររៀបរាប់ថា៖ "ក្រោយគេងជាមួយឡេនេះនៅលើផ្ទៃមុខ (វាចូលក្នុងផ្ទៃមុខបានល្អ ដូច្នេះមើលទៅមិនគួរឲ្យអស់សំណើច ឬក៏ស្អិតមុខអីទេ) ស្បែករបស់ខ្ញុំ មានអារម្មណ៍ថាអស្ចារ្យណាស់! មានសំណើមខ្លាំង និងស្រស់ថ្លា! ហើយទន់រលោងខ្លាំង!”៕