- 2019-01-19 03:18:00
- ព័ត៌មាន
Weir ថានឹងរៀបការ ២ឆ្នាំក្រោយ តែ Bella បែរជានិយាយចំៗបែបនេះទៅវិញ
- 2019-01-19 03:18:00
- ចំនួនមតិ 0 | ចំនួនចែករំលែក 0
Weir ថានឹងរៀបការ ២ឆ្នាំក្រោយ តែ Bella បែរជានិយាយចំៗបែបនេះទៅវិញ
ចន្លោះមិនឃើញ
អំឡុងពេលចូលរួមកម្មវិធីមួយកាលពីពេលថ្មីៗ តារាសម្ដែង Bella Ranee ត្រូវបានក្រុមអ្នកសារព័ត៌មានរោមសួរទាក់ទងនឹងសម្ដីដែល Weir Sukollawat បាននិយាយពីគម្រោងរៀបការ នៅ២ឆ្នាំក្រោយ។
ពេលឮសូរសំណួរមួយនេះ Bella បាននិយាយថា៖ "នោះគឺជាគោលដៅដែលគាត់ (Weir) គ្រោងទុក ថានឹងរៀបការនៅអាយុប៉ុណ្ណេះប៉ុណ្ណោះ។ គាត់ចាប់ផ្ដើមគិតពីរឿងមានគ្រួសារហើយ”។
ក្រុមអ្នកសារព័ត៌មានក៏បានសួរបន្ត៖ "មនុស្សជាច្រើននិយាយលេងសើចថាកូនក្រមុំរបស់ Weir ប្រាកដជា Bella ឬយ៉ាងណា?” សាមីខ្លួនក៏តប៖ "វាមិនទាន់មានការបញ្ជាក់ជាក់លាក់នៅឡើយទេ ព្រោះថានៅពេលនោះ ខ្ញុំផ្ទាល់ក៏មិនដឹងថានឹងមានរឿងអ្វី កើតឡើង”។
Bella តួមេយីងការ៉ាកេតបន្ថែមថា៖ "ខ្ញុំក៏មានការភ្ញាក់ផ្អើលដែរ ពិសេសពេលរាប់អាយុរបស់គាត់។ សម្រាប់គោលដៅរបស់មនុស្សគ្រប់គ្នា ច្បាស់ណាស់មិនដូចគ្នាទេ។ សម្រាប់ខ្ញុំ ខ្ញុំមិនទាន់គិតគូរ ឬរៀបចំគម្រោងអ្វីនៅឡើយពីរឿងរៀបការ។ ខ្ញុំគ្រាន់តែមានអារម្មណ៍ថារឿងរៀបការនោះ មិនទាន់មកដល់ឆាប់ៗទេ។ ខ្ញុំមានការងារដែលត្រូវធ្វើ។ ម្យ៉ាងនៅរយៈពេល ២ឆ្នាំបន្ទាប់ រឿងរ៉ាវយ៉ាងណាចាំគិតទៀត”។
សូមបញ្ជាក់ថា គូស្នេហ៍របស់តារាសម្ដែងខុសក្រុមហ៊ុនគ្នា Weir Sukollawat និង Bella Ranee បានទាក់ទងស្រឡាញ់គ្នាអស់រយៈពេលជាច្រើនឆ្នាំមកហើយ។ ស្របពេលគូស្នេហ៍ផ្សេងទៀត រៀបការជាបន្តបន្ទាប់ ប៉ុន្តែអ្នកទាំង ២ហាក់មិនសូវយកពេលទៅគិតពីរឿងនេះ ក្រៅពីការងាររបស់ពួកគេសព្វថ្ងៃ៕