- 2019-01-20 07:12:39
- ជីវិតតារា
Brad Pitt រកឃើញស្នេហ៍ថ្មី ក្រោយលែងលះ Angelina Jolie
- 2019-01-20 07:12:39
- ចំនួនមតិ 0 | ចំនួនចែករំលែក 0
Brad Pitt រកឃើញស្នេហ៍ថ្មី ក្រោយលែងលះ Angelina Jolie
ចន្លោះមិនឃើញ
តារាសម្ដែង Brad Pitt ត្រូវបានឲ្យដឹងថា កំពុងមានទំនាក់ទំនងស្នេហាជាមួយតារាស្រីហូលីវូដមួយរូបផ្សេងទៀត ក្រោយលែងលះគ្នាជាមួយអតីតភរិយារបស់លោក Angelina Jolie។
បើតាមសារព័ត៌មាន The Sun បានឲ្យដឹងថា តារាសម្ដែងវ័យ ៥៥ឆ្នាំរូបនេះ បច្ចុប្បន្នកំពុងតែបង្កាត់ភ្លើងស្នេហ៍ជាមួយតារាសម្ដែង Charlize Theron។ ពួកគេទាំង២ ត្រូវបានណែនាំឲ្យស្គាល់គ្នា ដោយអតីតគូដណ្ដឹងរបស់ Theron (Sean Penn)។ បើតាមប្រភពមួយបានអះអាងថា៖ "គូស្នេហ៍ថ្មីថ្មោងមួយគូនេះ បានបង្ហាញក្ដីស្រឡាញ់ចំពោះគ្នា នៅឯកម្មវិធីមួយកាលពីសប្ដាហ៍មុន។ កម្មវិធីនោះដែរ ជាកម្មវិធីបញ្ចាំងរឿង Roma នៅឯសណ្ឋាគារ Chateau Marmont នៅតំបន់ West Hollywood កាលពីថ្ងៃទី ១២ ខែមករានេះ។ តារាសម្ដែង Theron ត្រូវបានអញ្ជើញជាភ្ញៀវកិត្តិយសពិសេសសម្រាប់កម្មវិធីនោះ ហើយ Brad Pitt បានមកតាមក្រោយ បន្ទាប់ពីបញ្ចប់ការចូលរួមសម្ពោធការចាក់បញ្ចាំងភាពយន្តរបស់លោក "If Beale Street Could Talk” រួចមក។
តាមប្រភពជិតស្និទ្ធមួយបានបញ្ជាក់ថា៖ "Brad បានមកសណ្ឋាគារ Chateau តាមក្រោយ ដោយបានប្ដូរសម្លៀកបំពាក់លោក រួចចូលរួមតុជាមួយ Charlize នៅកែងបាកម្សាន្តនៅទីនោះ។ នាងអង្គុយផឹកស្រាក្រឡុក ខណៈលោកផឹកទឹកសុទ្ធធម្មតា"។ គួរបញ្ជាក់ថា តារាសម្ដែង Brad Pitt ឈប់ប៉ះពាល់គ្រឿងស្រវឹងតាំងពីលោកបែកពី Angelina មកម៉្លេះ។
“ពួកគេបង្ហាញភាពជិតស្និទ្ធគ្នាខ្លាំង ដោយ Brad ដាក់ដៃលើស្មារបស់នាង ហើយមានពេលមួយ លោកបានធ្មេចភ្នែកដាក់នាងថែមទៀតបង។ Brad មើលទៅដូចជាស្ថិតនៅកន្លែងបានល្អ ពួកគេទាំង២ ពិតជាសប្បាយរីករាយជាមួយគ្នាណាស់"។ ប្រភពដដែលបានបញ្ជាក់។
តារាសម្ដែង Brad Pitt និង Charlize Theron ត្រូវបានឲ្យដឹងថា ចាប់ផ្ដើមទាក់ទងគ្នាអំឡុងរដូវកាលបុណ្យណូអែល។ ពួកគេបានចំណាយពេលជាមួយគ្នាជាច្រើន នៅគេហដ្ឋានផ្ទាល់របស់លោកក្នុងរដ្ឋ California៕