- 2019-01-21 01:50:00
- ភាពយន្ត
ច្បាស់ការហើយ! ទូរទស្សន៍ហ្វីលីពីនសម្រេចយករឿង "ម្ចាស់ព្រះអាទិត្យ" មកផលិតជាថ្មី
- 2019-01-21 01:50:00
- ចំនួនមតិ 0 | ចំនួនចែករំលែក 0
ច្បាស់ការហើយ! ទូរទស្សន៍ហ្វីលីពីនសម្រេចយករឿង "ម្ចាស់ព្រះអាទិត្យ" មកផលិតជាថ្មី
ចន្លោះមិនឃើញ
ទូរទស្សន៍ល្បីរបស់ហ្វីលីពីន GMA Network បានប្រកាសជាស្ថាពរ ថាពួកគេនឹងមានចំណងដៃពិសេសសម្រាប់អ្នកគាំទ្រ ដោយបានទិញសិទ្ធិផលិតរឿងថ្មីយកលំនាតាមរឿងកូរ៉េ "ម្ចាស់ព្រះអាទិត្យ”។
"ម្ចាស់ព្រះអាទិត្យ” គឺជាភាពយន្តភាគកូរ៉េរបស់ទូរទស្សន៍កូរ៉េ KBS ដែលមានការគាំទ្រខ្លាំងមិនធម្មតាទូទាំងពិភពលោក និងជាការសម្ដែងរបស់ Song Joong Ki និង Song Hye Kyo។ គម្រោងក្នុងការផលិតរឿងនេះ ត្រូវបានបង្ហាញជាផ្លូវការតាមរយៈថ្នាក់ដឹកនាំជាន់ខ្ពស់របស់ទូរទស្សន៍ហ្វីលីពីន GMA Network កាលពីពេលថ្មីៗនេះ។ បើតាមការប្រកាស បានឲ្យដឹងថា រឿងនេះគ្រោងនឹងធ្វើឲ្យចេញជារូបរាងនៅឆ្នាំនេះ។
សម្រាប់តួសម្ដែងវិញ ក៏មានព័ត៌មានល្ហេចល្ហៀងថា តំណែងតួឯកធំៗ ប្រហែលជាធ្លាក់ទៅលើ ប្ដីប្រពន្ធ Dingdong Dantes និង Marian Rivera រួមជាមួយនឹងតារាសម្ដែង Jennylyn Mercado ព្រមទាំង Alden Richards។
ទោះជាយ៉ាងណា បើតាមលោកស្រី Lilibeth Resonable ថ្នាក់ដឹកនាំជាន់ខ្ពស់របស់ទូរទស្សន៍ខាងលើបានឲ្យដឹងថា ចំពោះតួសម្ដែង ពួកគេមិនទាន់បានពិភាក្សាគ្នាថាគួរជ្រើសយកអ្នកណាទេ តែក្រុមការងារកំពុងសិក្សាយ៉ាងយកចិត្តទុកដាក់ពីរឿងនេះ និងឆ្លៀតបញ្ជាក់ថា តួសម្ដែងគឺជ្រើសសុទ្ធតែអ្នកខ្លឹមៗ៕