- 2019-01-23 02:10:00
- ជីវិតតារា
វាសនាមើលមិនឃើញ! មិនស្មានថា គ្រាន់តែចេញមុខនៅកន្លែងនេះ Toey មានឱកាសក្លាយជាតារា
- 2019-01-23 02:10:00
- ចំនួនមតិ 0 | ចំនួនចែករំលែក 0
វាសនាមើលមិនឃើញ! មិនស្មានថា គ្រាន់តែចេញមុខនៅកន្លែងនេះ Toey មានឱកាសក្លាយជាតារា
ចន្លោះមិនឃើញ
តារាសម្ដែងថៃ Toey Jarinporn គឺជាតារាស្រីដែលទទួលបានភាពល្បីល្បាញ មិនចាញ់តារាៗផ្សេងទៀតនៅប្រទេសថៃទេ។ នាងតែងគ្រងតំណែងជាតួធំៗនៅក្នុងរឿង ពិសេសក្ដោបបានការងារថតស្ប៉តពាណិជ្ជកម្មធំៗជាច្រើន។ ប៉ុន្តែនិយាយពីពេល ដំណើរដើមទង ថាតើនាងចូលសិល្បៈដំបូងដោយរបៀបណានោះ កម្រមានអ្នកដឹងណាស់។
យ៉ាងណាមិញ Toey បានប្រាប់ថា ប្រមាណ ១០ឆ្នាំមុន នាងបានលេងបណ្ដាញសង្គមមួយមានឈ្មោះថា Hi-5 ហើយមនុស្សជាច្រើនបានយកយកនាងបង្ហោះតៗគ្នាលើវិបសាយដ៏ល្បី របស់ថៃមានឈ្មោះថា Dek-D។ ចាប់ពីពេលនោះ កេរ្តិ៍ឈ្មោះរបស់នាងក៏ល្បីសុសសាយ រហូតត្រូវមហាជនលើកថាជា តារាបណ្ដាញសង្គម។
Toey និយាយថា៖ "វាជាផ្នែកមួយក្នុងជីវិតយុវភាពរបស់ខ្ញុំ។ មនុស្សជាច្រើនបានបង្ហោះរូបភាពខ្ញុំជាបន្តបន្ទាប់លើ វិបសាយ Dek-D ហើយពេលនោះខ្ញុំទទួលមតិយោបល់ជាច្រើនត្រឡប់មកវិញ។ គ្រប់គ្នាហៅខ្ញុំថាជាតារាបណ្ដាញសង្គម ប៉ុន្តែខ្ញុំមិនគិតថាខ្ញុំជាតារាសង្គមអីទេ"។
នាងបន្តថា "បើសិនសួរខ្ញុំថា អ្វីដែលខ្ញុំទទួលបានត្រឡប់មកវិញពីវិបសាយនេះ ខ្ញុំនឹងឆ្លើយភ្លាមថា ខ្ញុំទទួលបានការងារដ៏ល្អមួយ”។
សូមជម្រាបជូនថា Toey ចូលសិល្បៈតាំងពីឆ្នាំ ២០០៦ ឯរឿងដែលនាងសម្ដែងមុនគេមានចំណងជើងថា "Rak Hun Sa Karaoke”។ រយៈពេលជាង ១០ឆ្នាំលើវិថីសិល្បៈ តារាស្រីកើតឆ្នាំ ១៩៩០នេះបានវិវត្តខ្លួនយ៉ាងល្អ ប្រជាប្រិយភាពរបស់នាងកាន់តែកើនឡើងៗ ហើយនេះជាសមិទ្ធផលត្រចះត្រចង់សម្រាប់ជីវិតរបស់នាង៕
